IRA Namangan viloyati innovatsion rivojlanish bo‘linmasi | Rasmiy kanali🪐

Namangan TV |

Madaniyat va ma'rifat telekanali: Namanganlik ixtirochi yoshlar

#tijoratlashtirish

Ilm-fanning iqtisodiyotga transferi: tijoratlashtirishning yangi mexanizmlari

Vazirlar Mahkamasining 2026-yil 9-oktabrdagi 554-son qaroriga muvofiq, ilmiy ishlanmalarni tijoratlashtirish va “spin-off” korxonalar faoliyatini rivojlantirish bo‘yicha yangi qulayliklar joriy etildi.

Bu o‘zgarishlar olimlar, tadqiqotchilar va ilmiy tashkilotlar uchun o‘z ishlanmalarini amaliyotga tatbiq etish, ular asosida yangi korxonalar tashkil etish hamda ilmiy natijalarni iqtisodiy qiymatga aylantirishda muhim ahamiyatga ega.

📌 Mazkur qarorning mazmun-mohiyati, tadbirkorlik va ilm-fan integratsiyasi uchun yaratilgan imkoniyatlar hamda tijoratlashtirish mexanizmlari haqida Yangi ishlanmalarni tijoratlashtirish va “spin-off” korxonalar faoliyatini rivojlantirish boshqarmasi boshlig‘i R.Ergashevning ekspertlik maqolasida batafsil ma’lumot berildi.

✔️ Maqolani Agentlikning rasmiy saytida o‘qing

Bizni kuzating

Web-site | Instagram | Facebook | YouTube

Ayni paytda Prezident Shavkat Mirziyoyev yoqilg‘i-energetika sohasidagi investorlar bilan ochiq muloqot o‘tkazmoqda.

Davlatimiz rahbari O‘zbekiston xalqaro energetika hamkorligiga o‘z salohiyati bilan kirib borayotganini ta’kidladi. Mamlakatimizda tabiiy resurslar, sanoat korxonalari, muhandislar va bilimli yoshlar bor. Sarmoya va ilg‘or texnologiyalar bilan birga bu imkoniyatlar ko‘proq qiymat yaratishi mumkin.

“O‘Z” g‘oyasining iqtisodiy mazmuni ham o‘z salohiyatimizni rivojlantirish, dunyo bilan teng hamkorlik qilish va umumiy kelajak uchun mas’uliyat olishdan iborat.

Energetika loyihalarida mis mahsulotlari, kabel, transformator, metall konstruksiyalar va qurilish materiallariga katta talab bor. Prezidentimiz mahalliy korxonalar sifat, narx va standartlar bo‘yicha raqobatlasha olishini qayd etdi.

Yangi energiya obyektlarining samarali ishlashi malakali kadrlarga bog‘liq. Saudiya Arabistonining “ACWA” kompaniyasi Qoraqalpog‘iston, Buxoro va Sirdaryodagi texnikumlarni jihozlab, har yili yuzlab yoshlarni energetikaning yangi yo‘nalishlariga o‘qitishni boshlamoqda.

Prezidentimiz boshqa investorlarni ham o‘z loyihalari uchun xalqaro talablarga mos mutaxassislar tayyorlashda ishtirok etishga chaqirdi. Bunday tashabbuslar uchun investorlarga joylardagi texnikumlarni boshqaruvga berishga tayyorlik bildirildi.

Kelasi o‘quv yilidan mahalliy oliygohlarda energetika yo‘nalishlari bo‘yicha qabul kvotalari oshiriladi. Dunyoning yetakchi universitetlarida o‘qish uchun har yili 50 nafar yoshga davlat granti ajratiladi.

Bizni kuzating

Web-site | Instagram | Facebook | YouTube

✅Chust va Davlatobod tumanlarida navbatdagi "Mohirlik va biznes soati" tadbiri tashkil etildi.

⏺Chust tumanining 1,2, 66-sonli umumiy o‘rta ta’lim maktablari va 2-son texnikumlarida hamda Davlatobod tumani 48-82-64-sonli umumiy o'rta ta'lim maktablari va Olimpiya va paralimpiya sport markazlarida “Mohirlik va biznes soati” tadbirlari doirasida navbatdagi 3-4 mavzulari nazariy va amaliy mashg‘ulotlar tashkil etildi.

⏺Tadbirda Innovatsion rivojlanish agentligi Namangan viloyati bo‘linmasi mutaxassislari, Namangan yoshlar texnoparki mas'ul xodimlari va unnovatsion hokim o'rinbosarlari, maktab mas'ullari hamda o‘quvchilar ishtirok etdilar.

⏺Mashg‘ulotda “Startap loyiha haqida umumiy tushunchalar, startaplar va oddiy biznes loyihalar o‘rtasidagi farqlar” mavzusida o‘quvchilarga startap, innovatsion tadbirkorlik va biznes g‘oyalarni rivojlantirish bo‘yicha tushunchalar berildi.

⏺Yakunda o‘quvchilar bilan savol-javob o‘tkazilib, ularning startap va innovatsion tadbirkorlikka oid qiziqishlari muhokama qilindi.

👉 @IRB_Namangan

Yosh bolaga nisbatan zo‘ravonlikka aslo toqat qilib bo‘lmaydi, jazo esa muqarrar va murosasiz bo‘lishi shart. O‘zbekiston Prezidenti birdaniga 5 ta kodeks va 6 ta qonunga o‘zgartirishlar kiritishni nazarda tutuvchi qonunni imzoladi.

Bolaga zulm qilgan, unga jismoniy yoki ruhiy azob bergan har bir kimsa — u xoh ta’lim muassasasi xodimi bo‘lsin, xoh yaqin qarindoshi — javobgarlikka tortiladi. Bolaning o‘limiga sabab bo‘lgan jinoyatlar uchun berilgan jazo aslo yengillashtirilmaydi.

Bundan buyon 14 yoshga to‘lmagan bolaga nisbatan jinsiy zo‘ravonlik sodir etgan shaxslarga 25 yilgacha ozodlikdan mahrum qilish yoki umrbod qamoq jazosi tayinlanadi. Bunday og‘ir jinoyatlar bo‘yicha javobgarlikka tortish muddatida cheklov bo‘lmaydi.

Yosh bolaning xavfsizligi shart-sharoit yoki vaziyatlarga bog‘liq bo‘lishi mumkin emas. Bolalar hayoti, sog‘lig‘i, or-nomusiga tajovuz qilgan har qanday kimsa qat’iy jazodan qochib qutula olmasligini bilishi shart.

—

Насилие над ребёнком неприемлемо, а наказание должно быть суровым. Президент Узбекистана подписал закон, предусматривающий изменения сразу в 5 кодексах и 6 законах.

Ответственность понесёт каждый, кто причинит вред и боль ребёнку: от сотрудников образовательных учреждений до родных, совершивших насилие. За любое преступление, которое повлечёт смерть ребёнка, не будет никаких смягчений.

Отныне лицам, совершившим сексуальное насилие над ребёнком младше 14 лет, грозит до 25 лет или пожизненное заключение. Срока давности по таким преступлениям не будет.

Безопасность ребёнка не может зависеть от обстоятельств. Каждый, кто посягнёт на жизнь, здоровье и достоинство детей, должен знать, что от строгого наказания он не уйдёт.

#Qonunchilikdagi_yangiliklar
#Spin_off

“Spin-off” tashkil qiling — imtiyozlardan foydalaning!

Ilmiy g‘oyangizni biznesga aylantirishni istaysizmi? Vazirlar Mahkamasining 554-son qarori bilan “spin-off” korxonalarni tashkil etish tartibi belgilandi.

Yangi ishlanmalar asosida mahsulot ishlab chiqarish yoki xizmatlar ko‘rsatishni yo‘lga qo‘ygan “spin-off” korxonalari uchun qanday imkoniyatlar mavjud?

📌 Asosiy imkoniyatlar:

➡️ Yagona reestr. Yangi ishlanmalarga asoslangan “spin-off” korxonalar reestri Innovatsion rivojlanish agentligi tomonidan yuritiladi.

➡️ Davlat tomonidan qo‘llab-quvvatlash. Reestrga kiritilgan va yangi ishlanma asosida tovar ishlab chiqarish yoki xizmat ko‘rsatishni yo‘lga qo‘ygan korxonalarga O‘zbekiston Respublikasi Prezidentining 2026-yil 4-apreldagi PF-54-son Farmonida nazarda tutilgan qo‘llab-quvvatlash mexanizmlari tatbiq etiladi.

➡️ Investitsiyalar uchun qulaylik. “Spin-off” korxonasiga investorlar tomonidan investitsiya kiritishga oid bitim va shartnomalar bo‘yicha vakolatli davlat organining xulosasi talab etilmaydi. Bunda davlat-xususiy sheriklik va ishonchli boshqaruvga berish holatlari mustasno.

➡️Foydani qayta investitsiya qilish. Korxonaning sof foydasi davlat ulushi bo‘yicha dividendga yo‘naltirilmasdan, vakolatli organlar ruxsatisiz ustav fondidagi davlat ulushini oshirish orqali qayta investitsiya qilinishi mumkin.

Ushbu imkoniyatlardan kimlar va qanday tartibda foydalanishi mumkin? “Spin-off” korxonasini tashkil etishda nimalarga e’tibor berish kerak?

➡️Mutaxassis bilan tayyorlangan intervyuda shu haqda so‘z yuritildi.

#diqqat

Oliy ta’limdan keyingi ta’limga hujjat topshirish 15-oktabr kuni 23:55 ga qadar davom etadi.

Hujjat topshirishni imkon qadar ertaga qoldirmang!

☎️ Murojaat uchun:

⏺Platforma bilan bog‘liq muammolar bo‘yicha - 71 203-32-23 (665);
⏺Hujjatlarni to‘ldirishga oid masalalar bo‘yicha - 71 203-32-23 (152).

Erkinjon Turdimov: Oliy ta’limda asosiy mezon — sifatli bilim, puxta egallangan kasb va yoshlarning kelajagi

O‘zbekiston Respublikasi Bosh vazirining birinchi o‘rinbosari – ta’lim va ilm-fan vaziri Erkinjon Turdimov oliy ta’lim yo‘nalishiga mas’ul rahbarlarning tizimdagi mavjud holat, amalga oshirilayotgan islohotlar hamda istiqboldagi ustuvor vazifalar yuzasidan tayyorlagan taqdimotlari bilan tanishdi.

Taqdimot davomida oliy ta’lim muassasalarida ta’lim sifatini oshirish, o‘quv dasturlarini mehnat bozori talablariga moslashtirish, ilm-fan va ishlab chiqarish o‘rtasidagi hamkorlikni kuchaytirish masalalariga alohida e’tibor qaratildi.

Shuningdek, talabalar uchun munosib sharoitlar yaratish, ularning chuqur bilim olishi, xorijiy tillarni o‘rganishi, tanlagan kasbini puxta egallashi, nazariy bilimlarini amaliyotda qo‘llay olishi hamda o‘qishni tamomlagach, o‘z mutaxassisligi bo‘yicha ish topishiga ko‘maklashish kabi muhim yo‘nalishlar muhokama qilindi.