ከቶ አይቀርም ሞቱ
ምንም ቢታክቱ ምን ቢሰነብቱ
—
ሞት ፊደል ተምሮ ያነባል ስንል
እንኳን ሊያነብና ገና ያግዛል
—
እህል ታሟል አሉ በእግሬ ልገስግስ
እሞት የለሁም ወይ በቅሎማ እስኪደርስ
—
እኔን መስሎኝ ነበር ደሃ ነው ደካሚ
ለካስ ሁሉም ኖሯል አፈር ተሸካሚ
—
በሉ እናንተም ሂዱ እኛም ወደዚያው ነው
ወትሮም መንገደኛ ፊትና ኋላ ነው
—
ለሠሪው ለመስጠት አፈሩን ይዣለሁ
ገል አፈር መሆኑን ተረድቼዋለሁ
—
እኔስ ፍረድ ቢሉኝ ሞት በደለኛ ነው
አንድ ሰው ለምስል ቀምሶ ቢቀር ምነው
—
ሞት ይቅር ይላሉ ሞት ቢቀር አልወድም
ድንጋዩም አፈሩም ከሰው ፊት አይከብድም።
—
ሂያጅ ተሳፋሪ ሰዎች ከሆናችሁ
ኧረ ለመቼው ቀን ቤት ትሠራላችሁ።
—
እረገጡኝ ብለህ ምድር አትቆጣ
ይህ ሁሉ ያንተ ነው ሸማውን ቢያነጣ።

— መጋቤ ስብሃት ዓለሙ አጋ

@inPolymorphism🌓