Iqtisodiyot va menejment kafedrasi tashabbusi bilan talabalarning innovatsion g‘oyalari va tadbirkorlik tashabbuslarini qo‘llab-quvvatlashga qaratilgan startap loyihalar tanlovi tashkil etildi.
Tanlovdan ko‘zlangan asosiy maqsad — talabalarning tadbirkorlik ko‘nikmalarini rivojlantirish, istiqbolli startap loyihalarni aniqlash hamda ularni amaliyotga tatbiq etishga ko‘maklashish.
Tadbir davomida ishtirokchilar o‘z loyihalarini taqdim etib, ularning amaliy ahamiyati, amalga oshirish imkoniyatlari va rivojlanish istiqbollari yuzasidan fikr almashdilar.
Kafedrada yoshlarning innovatsion tashabbuslarini rag‘batlantirish, yangi g‘oyalarni amaliy loyihalarga aylantirish va talabalar startaplarini rivojlantirishga qaratilgan ishlar izchil davom ettirilmoqda.