⚠️Prezident administratsiyasi huzuridagi markaz kiberjosuslik nishoniga aylangan

Recorded Future tadqiqotchilari 2023-yil 16-martdan O‘zbekiston Iqtisodiy tadqiqotlar va islohotlar markaziga tegishli IP-manzildan hujumchilar serveriga shubhali aloqa amalga oshirilganini aniqlagan.

Shuningdek, O‘zbekistonning Ukrainadagi elchixonasi IP-manzili ham avval kiberhujumlarda qo‘llangan boshqaruv serveri bilan bog‘langan.

Hujum ortida TAG-70 - Winter Vivern nomi bilan tanilgan, Rossiya va Belarus manfaatlari bilan bog‘lanadigan kiberjosuslik guruhi turgani taxmin qilinadi.

Guruhning asosiy usuli:
🔹 Roundcube elektron pochta tizimidagi zaifliklardan foydalanish;
🔹 zararli JavaScript orqali login-parollarni o‘g‘irlash;
🔹 pochta qutisidagi yozishmalarni yig‘ish;
🔹 boshqaruv serverlariga Tor orqali ulanish.

⚠️ Hisobot tashkilotlarning barcha tizimlari egallanganini tasdiqlamaydi. Ammo davlat tashkilotlariga tegishli IP-manzillardan hujumchilarning infratuzilmasiga aloqa kuzatilgani jiddiy komprometatsiya ehtimolini ko‘rsatadi.

Manba: Recorded Future Insikt Group, 16-fevral 2024-yil

@NursaidovX