Аԥснытәи аҳәынҭқарратә университет аҟны имҩаҧысуа Аԥсны Аҳәынҭқарра Раҧхьатәи Ахада, аҭоурыхтә ҭҵаарадыррақәа рдоктор, академик, апрофессор Владислав Григори-иԥа Арӡынба диижьҭеи 80 шықәса аҵра иазку агәалашәаратә хәылԥазы аҟны В. Г. Арӡынба иҧшәмаҧҳәыс Светлана Џьергьениа иҭабуп ҳәа ралҳәеит ауниверсттет анапхгареи, аколлективи, астудентцәеи. Лара аҿар ирзеиӷьалшьеит аҵараҿы аманшәалара, ақәҿиарақәа, аҭынчра. Астудентцәа ракәзар, Светлана Ирадион-иҧҳа ашәҭқәа ланаршьеит.