Аԥснытәи аҳәынҭқарратә университет аҿы имҩаҧгахоит Владислав Арӡынба диижьҭеи 80 шықәса аҵра иазку агәалашәаратә хәылԥазы

Декабрь 17 рзы Аԥснытәи аҳәынҭқарратә университет аҿы имҩаҧгахоит Аԥсны Аҳәынҭқарра Раҧхьатәи Ахада, аҭоурыхтә ҭҵаарадыррақәа рдоктор, академик, апрофессор Владислав Григори-иԥа Арӡынба диижьҭеи 80 шықәса аҵра иазку агәалашәаратә хәылԥазы.

Аусмҩаԥгатә аофициалтә хәҭа мҩаҧгахоит ауниверситет акттә зал аҟны.
Иалагоит асааҭ 12:30 рзы.

Ахәылԥаз аҳәаақәа ирҭагӡаны, ауниверситет ахолл аҟны С. П. Дбар ихьӡ зху Аԥсны жәлар рџьынџьтәылатә еибашьра Аҳәынҭқарратә музеи еиҿнакаауеит афотоцәыргақәҵа. Иара убас аҵараиурҭа Д. И. Гәлиа ихьӡ зху Аҭҵаарадырратә библиотека еиқәнаршәоит В. Г. Арӡынба иҭҵаарадырратә ҭынха иазку ашәҟәқәа рцәыргақәҵа.