ICT4ALL

🫥 IT sohasidagi eng dolzarb trendlar: ta’lim va kasb dunyosi qanday o‘zgarmoqda?

🌐 IT endi faqat “dasturlash” bilan cheklanmaydi. Sun’iy intellektdan tortib kiberxavfsizlikkacha, UX dizayndan tortib ma'lumot tahliligacha — yangi texnologiyalar har kuni yangi kasblarni tug‘dirmoqda.

🔍 Bugungi trendlar:
- AI (Sun’iy intellekt) va ML: har bir sohada transformatsiya jarayonini boshlab yubordi;
- Ma'lumotlar tahlili: qarorlar statistikaga emas, real vaqt ma’lumotlariga asoslanmoqda;
- Mahsulot va loyiha boshqaruvi: texnologiyalarni strategik boshqarish ko‘nikmasi eng muhim yumshoq ko'nikma (soft skill) ga aylanmoqda;
- Kiberxavfsizlik: ma’lumotlar himoyasi bo‘yicha mutaxassislarga talab oshib bormoqda;
- UX/UI dizayn: foydalanuvchi tajribasi muvaffaqiyat kalitiga aylanib ulgurdi

📚 Ta’lim shakllari ham o‘zgaryapti:
– Microlearning va butkemplar
– Moslashtirilgan, sun’iy intellektga asoslangan kurslar
– Portfolio asosida baholash (CV emas, ishlaringiz gapiradi)

💡 Xulosa: IT sohasida muvaffaqiyat — faqat bilim emas, balki zamonaviy tendensiyalarni kuzatish, tez moslashish va real tajribada sinovdan o‘tish bilan bog‘liq.

🔴 Siz uchun eng qiziqarli va istiqbolli yo‘nalish qaysi deb o‘ylaysiz?

Telegram | Instagram | YouTube

⁉️ Siz qanday o‘rganish formatini tanladingiz? Har bir usulga mos keladigan foydali resurslarni Siz bilan baham ko‘ramiz!

▶️ YouTube darslari:
freeCodeCamp - Dasturlash va veb-texnologiyalar bo‘yicha bepul video darslar.
Traversy Media - Veb-dizayn va dasturlash bo‘yicha eng so‘nggi darslar.
Tech With Tim - Python va boshqa dasturlash tillarida o‘rganish uchun foydali videolar.

📚 Kitoblar va maqolalar:
“Clean Code” (Robert C. Martin) – Dasturlashdagi eng yaxshi amaliyotlar.
“The Pragmatic Programmer” (David Thomas, Andrew Hunt) – Dasturchilar uchun amaliy qo‘llanma.
Medium.com – Texnologiya va dasturlash bo‘yicha maqolalar.

🌎 Onlayn kurslar (Coursera, Udemy)
Coursera - IBM, Google, va boshqa kompaniyalar tomonidan taqdim etilgan kurslar.
Udemy - Dasturlash, ma'lumotlar tahlili va sun'iy intellekt kurslari.
edX - Har xil IT sohalari bo‘yicha universitetlar tomonidan taqdim etilgan kurslar.

👨‍🏫 Mentor/ustoz bilan ishlash
Upwork yoki Freelancer - Mentorlar yoki tajribali mutaxassislar bilan to‘g‘ridan-to‘g‘ri ishlash uchun platformalar.
LinkedIn - Tajribali mutaxassislar bilan tarmoq qurish va maslahatlar olish.
GitHub - Dasturlash loyihalarini ko‘rish va tajribali dasturchilar bilan ishlash.

O‘rganish usulini tanlashda eng muhim narsa – bu Sizga mos keladigan formatni topishdir. Har bir resurs o‘ziga xos imkoniyatlarni taqdim etadi!

Telegram | Instagram | YouTube

🔖 Dasturlash haqida qiziqarli faktlar!

🔗 NASA’ning Marsda ishlayotgan Perseverance roveri 20+ yillik C++ kodida ishlaydi!
Shu bilan birga, ba’zi bank tizimlari hamon 1959-yilda yaratilgan COBOL dasturiy tilidan foydalanadi.

Texnologiya rivojlanayotgan bo‘lsa ham, eski kodlar hali ham dunyoni boshqaradi!

Telegram | Instagram | YouTube

🔔 So'nggi uchrashuvimizdan lavhalar

22-fevral kuni bo‘lib o‘tgan ITea uchrashuvimizdagi ishtirokingiz uchun o‘z minnatdorchiligimizni bildiramiz! Loyihamiz davomida olingan unutilmas onlarni Siz bilan bo‘lishmoqchimiz! 😊

📂 Havola

❗️ Uchrashuvlarimiz to‘g‘risida o‘z fikringizni qoldirishga ulgurmadingizmi? Quyidagi havola orqali formani to‘ldiring va loyihamiz rivojiga o‘z hissangizni qo‘shing!

Telegram | Instagram | YouTube

📣 Hurmatli ITea tadbir ishtirokchilari va mentorlar!

☕️ Bugungi ITea sessiyasida biz bilan bo‘lganingiz uchun samimiy minnatdorchilik bildiramiz! Sizning ishtirokingiz tadbirimizni yanada qiziqarli va mazmunli qildi.

📩 Tadbirni yanada rivojlantirish va Sizga foydali bo‘lishi uchun fikr-mulohazalaringiz biz uchun juda muhim. Tajribangiz va takliflaringizni biz bilan bo‘lishsangiz, kelgusi sessiyalarni yanada samarali tashkil qilishimizga yordam berasiz.

👉 O‘z fikringizni quyidagi havola orqali yozib qoldiring.

Tez orada tadbirdan lavhalarni joylaymiz!

Telegram | Instagram | YouTube

On February 22, Amity University Tashkent hosted a workshop on IT Project Management as part of the ITea Project

👉🏼 The session featured industry experts who shared insights into the fundamentals of IT project management, including agile methodologies, risk assessment, resource allocation, and best practices for successful project execution. Participants engaged in interactive discussions, case studies, and hands-on exercises designed to improve their problem-solving and leadership skills.

The event concluded with a networking session, allowing attendees to connect with industry professionals and peers, fostering collaboration and future opportunities in the IT sector.

🇺🇿🇺🇿

22-fevral kuni Toshkent shahridagi Amity universitetida ITea loyihasi doirasida IT loyihalarni boshqarish bo‘yicha seminar bo‘lib o‘tdi.

👉🏼Tadbirda soha mutaxassislari ishtirok etib, agile metodologiyalari, xatarlarni baholash, resurslarni taqsimlash hamda loyihalarni muvaffaqiyatli amalga oshirish bo‘yicha ilg‘or tajribalar haqida o‘z bilim va tajribalari bilan bo‘lishdilar. Ishtirokchilar interaktiv muhokamalar, amaliy holatlar va rahbarlik qobiliyatlarini oshirishga qaratilgan mashg‘ulotlarda qatnashdilar.

Tadbir netvorking sessiyasi bilan yakunlandi, bu esa ishtirokchilarga soha mutaxassislari va tengdoshlari bilan bog‘lanish, hamkorlik o‘rnatish va IT sohasida kelajakdagi imkoniyatlarni muhokama qilish imkonini berdi.

🕊Telegram 📱Facebook 📱Instagram 📺Youtube 🌐 LinkedIn

⁉️ Loyiha boshqaruvchisi kim?

📊 Loyiha boshqaruvchisi – har qanday loyiha muvaffaqiyatining ortidagi strateg bo'lib, jamoani boshqarish, resurslarni taqsimlash hamda belgilangan maqsadlarga yetib borish uchun mas’ul.

🚀 Yaxshi loyiha menejeri vaqt nazorati, muammolarni hal qilish va jamoa bilan samarali muloqot qilish ko‘nikmalariga ega bo‘lishi kerak. Shuningdek, Agile, Scrum va Kanban kabi metodologiyalarni tushunishi muhim.

🔗 Dasturiy ta’minotdan tortib, startaplarni boshqarishgacha – loyiha boshqaruvchisi har bir sohada talabgir.

📈 Talab yuqori bo'lgan mazkur sohaga bog'liq barcha savollaringizga Click kompaniyasida Loyiha boshqaruvchisi bo'lib ishlayotgan Temurjon Ibrohimov javob berishga tayyor! Buning uchun 22-fevral kuni Amity universitetida bo‘lib o‘tadigan ITea sessiyasi uchun hoziroq ro'yxatdan o'ting!

❓ Sizningcha, loyiha boshqaruvchisi bo‘lish uchun eng muhim ko‘nikmalar qaysilar?

Telegram | Instagram | YouTube

🔖 Bu safar ITea'da Product Marketing Management haqida gaplashamiz!

✔️ Dastur yoki ilova ishlab chiqdingiz, uni odamlar ishlatishi uchun nima qilish kerak? Bu yerda Product Marketing Manager roli juda muhim!

🚀 Product Marketing Manager o'zi kim?
PMM – kompaniya mahsulotini bozorga olib chiqish, mijozlar ehtiyojlarini tushunish va raqobatchilardan ajralib turish strategiyasini ishlab chiqadigan mutaxassisdir.

🔍 Ushbu yo‘nalishda qanday ishlash va imkoniyatlar to'g'risidagi savollaringiz javobini 22-ferval kuni bo'ladigan navbatdagi ITea uchrashuvimiz mehmoni, Moneff kompaniyasida Product Marketing Manager sifatida faoliyat yuritib kelayotgan tajribali mutaxassis Gulnur Esovadan bilib olishingiz mumkin.

Siz Product Marketing Manager sifatida ishlashni xohlarmidingiz? 🤔

Telegram | Instagram | YouTube

Scrum Master – jamoaning samaradorligini oshiruvchi yetakchi

📈 Scrum Master – bu jamoaning samarali ishlashiga yordam beruvchi, Agile va Scrum metodologiyalarini to‘g‘ri joriy qiladigan mutaxassis. U jarayonlarni soddalashtiradi, muammolarni bartaraf etadi va jamoaning maqsadlarga erishishini ta’minlaydi.

⚡️ Scrum Master nima qiladi?
- Jamoa ichidagi to‘siqlarni bartaraf etadi
- Sprint rejalari va retrospektivalarni boshqaradi
- Agile tamoyillarini jamoaga singdiradi va ish jarayonida shaffoflikni ta'minlaydi

🏆 Ushbu sohaga oid barcha savollaringizga 22-fevral kuni Jasur Sherbaev bilan bo'ladigan uchrashuvda javob topishingiz mumkin.

Telegram | Instagram | YouTube

🔗 Scrum metodologiyasi real IT dunyosida qanday ishlaydi?

Agar Siz IT jamoalarida ishlash yoki ularni boshqarishni o‘rganmoqchi bo‘lsangiz, Scrum Master kim va nima uchun kerakligini tushunishingiz muhim. Bu faqat nazariya emas – bu IT kompaniyalari muvaffaqiyatining kaliti!

🗓 22-fevral kuni Payme kompaniyasida Scrum Master bo‘lib ishlayotgan Jasur Sherbaev bilan suhbat quramiz.

💡 Agar Sizda IT jamoalarini boshqarish, Scrum metodologiyasidan foydalanish yoki jamoada samarali ishlash bo'yicha savollaringiz bo'lsa, oldindan tayyorlab kelishingizni maslahat beramiz!

➡️ Hoziroq ro'yxatdan o'ting! Ishtirok etish uchun ro‘yxatdan o‘tishning so‘nggi muddati – 20 - fevral.

Telegram | Instagram | YouTube

✔️ IT sohasida rivojlanishni xohlaysizmi? Yangi tajribalar orttirish va mutaxassislar bilan ochiq muloqot qilishnichi?

🚀 ITea loyihasining navbatdagi uchrashuvi aynan Siz uchun! 22-fevral kuni Amity universitetida bo‘lib o‘tadigan navbatdagi uchrashuvimiz tashkil etiladi!

🔍 Uchrashuvda Siz:
- IT mutaxassislarining ish tajribasi bilan tanishasiz
- Professional rivojlanish bo‘yicha foydali tavsiyalar olasiz
- Netvorking orqali yangi tanishuvlar orttirasiz

Bu safar biz bilan:
👨🏻‍💻Temurjon Ibrohimov – Product Manager at Click
🧑🏻‍💻Jasur Sherbaev – Scrum Master at Payme
👩🏻‍💻Gulnur Esova – Product Marketing Manager at Moneff

❗️ Uchrashuvdan maksimal foyda olish uchun ushbu mutaxassislarning professional hayot yo‘li bilan tanishib, savollaringizni oldindan tayyorlashni maslahat beramiz.

‼️ Ishtirok etish uchun ro‘yxatdan o‘tishning so‘nggi muddati – 20-fevral.

⚡️ IT olamining yetakchilari bilan choy ustida samimiy suhbatni o‘tkazib yubormang!

Telegram | Instagram | YouTube

#Bilarmidingiz

"Bug" atamasi haqiqatan ham haqiqiy hasharot bilan bog‘liq!
1947-yilda Mark II kompyuterida xatolik paydo bo‘lganida, muammo fizik nuqtada – kompyuter ichida qotib qolgan haqiqiy kuya hasharoti sabab bo‘lgani aniqlangan. Shundan beri "bug" atamasi keng tarqalgan.

❓ Yana qanday qiziqarli ma'lumotlarni bilasiz? Biz bilan bo'lishing!