O'zbekiston Respublikasi Prezidenti bilan tadbirkorlarning VI Ochiq muloqotiga tayyorgarlik ko'rish doirasida Sanoat kooperatsiyasi va davlat xaridlari agentligi tomonidan respublika hududlarida tadbirkorlar bilan ochiq muloqotlar tashkil etilmoqda.
✔️ Bugunga qadar Toshkent, Sirdaryo, Samarqand, Buxoro, Navoiy, Surxondaryo, Qashqadaryo, Xorazm viloyatlari, Toshkent shahri hamda Qoraqalpog'iston Respublikasida (jami 141 ta tuman va shaharda) ochiq muloqotlar o'tkazildi.
➡️ Natijalar:
✍️ 1 882 nafar tadbirkor va korxona vakili qamrab olindi
✍️ 319 ta muammo va taklif ko'rib chiqildi
✍️ 121 ta masala joyida hal etildi
✍️ 41 ta murojaat bo'yicha huquqiy va amaliy tushuntirishlar berildi
✍️ 157 ta murojaat nazoratga olinib, tegishli choralar belgilandi
✅ Shuningdek, Agentlik binosida tarmoqlar bo'yicha ham ochiq muloqotlar tashkil etilib, qishloq xo'jaligi va oziq-ovqat, yengil sanoat hamda farmatsevtika sohasida faoliyat yuritayotgan 450 dan ortiq tadbirkor bilan uchrashuvlar o'tkazildi.
✅ Ochiq muloqotlar tadbirkorlarning muammo va takliflarini o'rganish, ularning yechimi bo'yicha amaliy choralarni ishlab chiqish hamda Prezidentning tadbirkorlar bilan VI Ochiq muloqoti uchun takliflarni shakllantirishga xizmat qilmoqda.
🌍Veb-sayt 🔹Telegram 🔹Instagram 🔹Facebook 📹Youtube X 🔹Linkedin