KELAJAK SOATI: ODATLAR — HAYOTINGIZNI O‘ZGARTIRADI!
🌱 Buyuk natijalar sari yo‘l kichik, ammo izchil odatlardan boshlanadi.
👍Is’hoqxon Ibrat nomidagi Namangan davlat chet tillari institutida talabalarning shaxsiy kamolotini qo‘llab-quvvatlash, ularda hayotiy ko‘nikmalarni rivojlantirish hamda ijobiy fazilatlarni mustahkamlash maqsadida navbatdagi “Kelajak soati” mashg‘uloti “Odatlar — hayotingizni o‘zgartiradi” mavzusida o‘tkazildi.
✍️ Mashg‘ulotni Yoshlar masalalari, ma’naviyat va ma’rifat yo‘nalishi bo‘yicha birinchi prorektor X. Nishonov olib bordi.
📚 Suhbat davomida kundalik odatlarning inson hayoti va shaxsiy rivojlanishidagi o‘rni, ularning ta’lim jarayoni hamda kelajakdagi muvaffaqiyatlarga ta’siri muhokama qilindi. Xususan, vaqtni samarali boshqarish, kitob mutolaasiga e’tibor qaratish, intizom va mas’uliyatni mustahkamlash, shuningdek, muntazam ravishda bilim va ko‘nikmalarni takomillashtirib borishning ahamiyati qayd etildi.
🎁 Mashg‘ulot doirasida faol ishtirok etib, o‘z fikrlari va mazmunli mulohazalari bilan ajralib turgan talabalarga birinchi prorektor
X. Nishonov tomonidan kitoblar sovg‘a qilindi. Ushbu rag‘batlantirish yoshlar orasida mutolaa madaniyatini ommalashtirish, bilim olishga intilishni kuchaytirish va intellektual salohiyatni yuksaltirishga xizmat qiladi.
✨ Mashg‘ulot yakunida talabalar kundalik odatlarning kelajakdagi natijalarga ta’siri, vaqtning qadriga yetish va belgilangan maqsadlar sari izchil harakat qilish borasida muhim xulosalarga ega bo‘ldilar.
Zero, kelajak tasodifiy qarorlar bilan emas, bugun shakllantirilgan foydali odatlar va izchil harakatlar bilan yaratiladi!
👍Is'hoqxon Ibrat nomidagi Namangan davlat chet tillari instituti axborot xizmati
Bizni rasmiy sahifalarimizda kuzatib boring:
| Telegram | Veb-sayt| Facebook |Instagram |