💙 Песнь Пресвятой Богородицы
(Муз. Яичкова)

Вели‌чит душа‌ Моя‌ Го‌спода,/ и возра‌довася дух Мой о Бо‌зе Спа‌се Мое‌м.

Припев: Честне‌йшую Херуви‌м/ и Сла‌внейшую без сравне‌ния Серафи‌м,/ без истле‌ния Бо‌га Сло‌ва ро‌ждшую,/ су‌щую Богоро‌дицу, Тя велича‌ем.

Я‌ко призре‌ на смире‌ние рабы‌ Своея‌,/ се бо от ны‌не ублажа‌т Мя вси ро‌ди.

Припев: Честне‌йшую...

Я‌ко сотвори‌ Мне вели‌чие Си‌льный,/ и свя‌то И‌мя Его‌, и ми‌лость Его‌ в ро‌ды родо‌в боя‌щимся Его‌.

Припев: Честне‌йшую...

Сотвори‌ держа‌ву мы‌шцею Свое‌ю,/ расточи‌ го‌рдыя мы‌слию се‌рдца их.

Припев: Честне‌йшую...

Низложи‌ си‌льныя со престо‌л, и вознесе‌ смире‌нныя;/ а‌лчущия испо‌лни благ, и богатя‌щияся отпусти‌ тщи.

Припев: Честне‌йшую...

Восприя‌т Изра‌иля о‌трока Своего‌, помяну‌ти ми‌лости,/ я‌коже глаго‌ла ко отце‌м на‌шим, Авраа‌му и се‌мени его‌, да‌же до ве‌ка.

Припев: Честне‌йшую...

💙 Светилен праздника
(Муз. диак. С. Трубачева)

О Пресвята́я Госпоже́, Де́во Богоро́дице!/ Покры́й нас чуде́сным Твои́м омофо́ром,/ сохраня́я град и лю́ди от вся́каго зла,/ я́коже Тя пречу́дный Андре́й ви́де во Влахе́рнстей це́ркви моля́щуюся;// и ны́не нам, Госпоже́, посли́ вели́кую Твою́ ми́лость. Я́же кля́тву мирску́ю Боже́ственным рождество́м Твои́м, Чи́стая, потре́бльши,/ ста́до, Тебе́ моля́щееся ве́рно, от вся́ких бед изба́ви// моли́твами Твои́ми Отрокови́це.

💙 На хвали‌тех стихи‌ры, глас 8.
Подо‌бен: О пресла‌внаго чудесе:

Пою‌т Тя, Де‌во Богоро‌дице, А‌нгельстии чи‌ни,/ и сла‌вят патриа‌рси со архиере‌и/ и святи‌и апо‌столи,/ я‌ко Ма‌тери Бо‌жии че‌стно слу‌жат Тебе‌,/ ви‌дяще Тя за мир моли‌тву творя‌щую/ ко Спа‌су всех, Христу‌ Бо‌гу./ Ему‌же помоли‌ся изба‌вити град и лю‌ди,/ сла‌вящия Тя ве‌рно/ и Твоего‌ Покро‌ва пра‌здник че‌ствующия.

Сла‌ва, и ны‌не, глас 6:
Я‌ко ви‌де Тя пречу‌дный Андре‌й на возду‌се/ со Арха‌нгельским мно‌жеством,/ со апо‌столы, и проро‌ки,/ и мно‌жеством му‌чеников,/ Сы‌ну Твоему‌ и Бо‌гу на‌шему о гра‌де и лю‌дех моля‌щуюся, Влады‌чице,/ и честны‌м Твои‌м Покро‌вом покрыва‌ющую,/ не оскуде‌й и ны‌не, Пречи‌стая,/ спасти‌ изря‌дное достоя‌ние Твоего‌ Сы‌на,/ пречестны‌й пра‌здник Твой пра‌зднующе, Многопе‌тая.