Гэта База

🍉 Анлайн-кавярня - гэта штотыднёвыя размовы па-беларуску з новымі людзьмі з усяго свету.

🐙 Кожны тыдзень ты атрымліваеш новага суразмоўцу. Вы дамаўляецеся пра час і робіце адзін відэасазвон на 1 гадзіну ў любы дзень тыдня.

💛 У нас есць удзельнікі з 24 краін.

🍄 Удзельнічаюць людзі ва ўзросце ад 18 да 63.

🎁 Размаўляем толькі па-беларуску, нават калі з памылкамі.

💌 Навошта далучацца?
- каб не адчуваць сябе самотна
- каб знайсці сяброў у розных краінах
- каб ужываць беларускую мову ў жыцці

🍬 Хочаш далучыцца? Напішы @mmake_me_laugh

Часам падаецца, што сьвет штодня становіцца толькі складанейшым. Навіны не сканчваюцца, тэхналёгіі мяняюць штодзённае жыцьцё цалкам, вакол палярызацыя і канфлікты, а гарызонт плянаваньня – месяц, калі пашанцуе

Нядзіва, што на гэтым фоне шмат стомы і разгубленасьці: на што я наогул магу паўплываць? Як мне дапамагаць блізкім, але не выгараць? Як весьці складаныя размовы, калі я ня згодн:ая? Як не марнаваць сілы ўпустую? Што ўвогуле рабіць, калі хочацца зьменаў, але ня хочацца ствараць сабе і іншым рызыкаў?

Калі табе адгукаецца – запрашаем у праграму «Разабрацца ў складаным сьвеце». Гэта прастора, каб крыху запаволіцца, разам паглядзець на тое, што адбываецца вакол, і паразважаць, што мы хочам і можам з гэтым зрабіць

Праграма складаецца са зьвязаных этапаў:
• 6 анлайн-сустрэч
• праца над асабістым плянам
• 4-х дзённая афлайн-частка
• наступная мэнтарская падтрымка для пераўтварэньня вашых ідэй у дзеяньне

Даведацца больш і падаць заяўку на ўдзел

Дэдлайн падачы заяўкі: 30.08.2026

Публікуем заяву каманды «Гэта База» ў сувязі з рашэньнем КГБ Рэспублікі Беларусь аб прызнаньні нашай ініцыятывы так званым «экстрэмісцкім фармаваньнем».

Ужо больш за тры гады мы працуем зь беларускай моладзьдзю ўнутры краіны і па-за яе межамі. Менавіта гэтая дзейнасьць была і застаецца асновай нашае працы

Мы не прызнаем гэтае рашэньне і разглядаем яго як частку больш шырокага ціску на незалежную адукацыю, грамадзянскую супольнасьць і беларускую культуру.

Разам з гэтым мы хочам найперш падзякаваць усім, хто быў побач з намі ўсе гэтыя гады: удзельні:цам праграм, валянтэр:кам, партнэрскім арганізацыям і кожн:ай, хто знаходзі:лі час на навучаньне, дыялёг і сумесную працу.

Мы працягваем сваю дзейнасьць і працягваем верыць у каштоўнасьць адукацыі, адказнасьці, павагі і грамадзкага ўдзелу.

Падпісантак нашых сацсетках і ўдзельні:ц мінулых адукацыйных праграм з Беларусі мы просім уважліва ставіцца да ўласнай бясьпекі і ужываць прапановы, апісаныя ў папярэдняй публікацыі

Будзьма на сувязі 💜

Гэта База pinned a photo

Важнае паведамленьне❗
Нашы сацсеткі былі прызнаныя “экстрэмісцкімі матэрыяламі”

Калі вы ў Беларусі, ці падарожнічаеце ў Беларусь, калі ласка:

- адпішыцеся і не ўзаемадзейнічайце з нашымі акаўнтамі
- не захоўвайце і не распаўсюджвайце нашы пасты
- выдаліце ўсе рэпосты нашых публікацый са сваіх старонак, і перапіскі з намі ў Instagram
- пераглядзіце вашы паштовыя скрыні і выдаліце нашы лісты
- выдаліце спасылкі і скрыншоты нашых матэрыялаў. Не забудзьцеся ачысціць папку «Выдаленыя» і воблачныя сховішчы (Google Drive, Google Photos, iCloud і інш.)

Калі ў вас ёсьць запыты па бясьпецы – зьвяртайцеся да нас праз прыватныя паведамленьні!

Ваша бясьпека – наш прыярытэт.
Мы застаемся на сувязі. Пры гэтым заклікаем вас быць максімальна асьцярожнымі!

Калі вы знаходзіце нашу працу важнай, знаходзіцеся ў бясьпецы, у вас ёсьць магчымасьць і жаданьне нас падтрымаць – гэта можна зрабіць падпіскай ад аднаго даляра.

Дзякуй што застаецеся з намі! Мы будзем працгяваць працу для вас, не глядзячы на новыя выклікі!

Хочаш разабрацца, як працуюць правы чалавека — проста, практычна і па-беларуску?

Ініцыятыва «Гэта База» запускае курс анлайн-сэмінараў з абноўленым зьместам і фокусам на тэму лідэрства 🔥

• Для беларускай моладзі, актывіст:ак, студэнт:ак, НДА — і ўсіх, хто толькі пачынае знаёмства з тэмай
• Мова курса — беларуская
• Удзел ананімны

Праграма праводзіцца цалкам на беларускай мове!

Расклад

Архітэктура правоў чалавека - 10.02
Нацыянальныя і міжнародныя інстытуты - 17.02
Лідэрства ў ЛГБТК+ супольнасьці - 24.02
Праблемы і выклікі правоў чалавека - 03.03
Грамадзянскі ўдзел - 10.03
Негвалтоўная камунікацыя - 17.03
Уласныя ідэі актыўнасьцяў і нэтворкінг - 24.03

Сэмінары будуць праходзіць штоаўторак ўвечары а 19:00 (Менск), 18:00 (Вільня), 17:00 (Варшава). Прыкладны час адной сустрэчы – дзьве гадзіны.

👉 Даведацца больш і падаць заяўку

⏰ Дэдлайн падачы — 15.03

Прымаем заяўкі цягам усёй праграмы. Падавацца можна як на адзін анлайн-сэмінар, гэтак і на ўвесь цыкль!

Гэта публікацыя — спроба паглядзець на правы чалавека ня як на абстрактную дактрыну, а як на прастору мысьленьня пра годнасьць, памяць і самавызначэньне

DE:KA і Гэта База дасьледуюць, што такое дэкалянізацыя як унутраная праца з культурнай траўмай. І што такое правы чалавека як этыка прызнаньня, адказнасьці і свабоды

Праз гэтую оптыку мы спрабуем адказаць:

🟣Ці магчымыя правы чалавека ў грамадзтве, якое мысьліць катэгорыямі імпэрыі?
🟣Як вызваліцца ад чужой мовы апісаньня сябе?
🟣Дзе пачынаецца дэкалянізацыя: у дзяржаўнай палітыцы ці ў асабістай глыбіні?