Хәрефләр илендә

Дуслар, без көтмәгән кадәр җылы сүзләр ишеттек! Рәхмәт сезгә! Видеоны таратуыгыз безгә фундамент булып тора. Мульт популяр булса, без максатларыбызга ирешәбез, димәк.

Күп кешегә аеруча ахырдагы җыр ошаган икән, шуңа күрә аерым видео һәм аудио итеп чыгарабыз.

Киләчәктә һәр серия ахырында бер җыр була: төрле жанрда, төрле темага, оригиналь сүзләр һәм көе белән. Татарлар җырларга ярата, ә балалар өчен җырлар күп түгел. Шуңа күрә андый контент тудыру мөһим күренә.

Ә хәзергә, киттек, Акбайны җырлыйбыз!

Дуслар, без башладык!

Бу — «Хәрефләр илендә» мультсериалының рәсми каналы. Безнең максат — татар балалары өчен заманча, кызыклы һәм туган телгә мәхәббәт тудыручы мультфильм чыгару.

Мультсериал нәрсә турында?
«Хәрефләр илендә» — ул татар хәрефләре яши торган тылсымлы дөнья.
Һәр хәреф — ул тере герой. Ул уйный, бәхәсләшә, маҗараларга очрый, дуслаша һәм яңа нәрсә өйрәнәләр.

Пилот сериядә сез 3 хәреф белән танышачаксыз:
🔵 А — тапкыр, бер урында тормый торган һәм башкаларны да маҗараларга этәреп торучы.
🟠 Ә — шаян, шат, бөтен тишеккә керә торган хәреф
🔴 Т — сабыр, акыллы, ләкин үзенең серләре дә бар

Бу проектның максаты нәрсәдә?
- Татар телен балачактан ук якын иттерү өчен
- Татарча сыйфатлы визуаль контент булдыру өчен
- Әдәби һәм мәдәни мирасыбызны заманча формада тәкъдим итү өчен

Без моны чын күңелдән, профессионаллар катнашында һәм зур максат белән эшлибез.

Ничек ярдәм итеп була?
1) Карагыз:
VK: https://vkvideo.ru/video-230844628_456239019
YouTube: https://youtu.be/oaVoKPFoC9E

2) Дусларыгызга җибәрегез

3) Каналларга язылыгыз
https://t.me/herefler
https://chat.whatsapp.com/FDsRNUTOKCk65FYRdbjty7
https://vk.com/herefler

4) Комментарий калдырыгыз — безнең өчен бу мөһим.

Хуш килдегез “Хәрефләр иленә”! ❤️

Channel photo updated

Channel created