Дирӯз дар пойтахт Рӯзҳои синамои Русия кушода шуданд. Дар чорабинӣ роҳбарияти муассисаи «Тоҷикфилм», меҳмонон аз Русия ва аҳли фарҳанг ширкат варзиданд.
Намояндаи сафорати Русия дар Тоҷикистон Вера Хуторская таъкид намуд, ки синамогарони ду кишварро дӯстии дерина ва ҳамкории пурбарбор пайванд медиҳад. Ин ҳамкорӣ филмбардории муштарак, таҳсили ҷавонон дар донишгоҳҳои санъати Русия ва муҷаҳҳазсозии кинотеатрҳоро фаро мегирад. Аз ҷумла, кинотеатри «Ватан» бо дастгирии ширкати «Роскино» комилан навсозӣ шуд.
Ҳамчунин, дар даромадгоҳи кинотеатр намоишгоҳи аксҳо бо номи «Русия - сарзамини истеъдодҳо» ба намоиш гузошта шуд.
📱 Обуна шавед — Ҳамдастӣ
📱Ба Тик Токи мо обуна шавед