Субҳи имрӯз дастаи мунтахаби футзали Русия ба Душанбе расид. Дар доираи ҷамъомади таълимиву тамринии тирамоҳӣ мунтахабҳои Тоҷикистон ва Русия ду бозии дӯстона баргузор мекунанд.
Ба ҳайати мунтахаби Русия 14 бозигар шомиланд. Дарвозабонҳо: Кирилл Шурок («Газпром-Югра») ва Дмитрий Юдин («Сибиряк»). Бозигарони майдонӣ: Андрей Понкратов, Александр Пирогов, Михаил Москалёв, Константин Шуклетсов, Владислав Мусин-Пушкин («Газпром-Югра»), Дмитрий Зайтсев, Азиз Муждаков, Артём Ниёзов (МФК КПРФ), Антон Соколов, Григорий Валеев («Синара»), Николай Смирнов («Торпедо») ва Артём Антошкин («Норилск»).
Бозиҳо рӯзҳои 19 ва 20 октябр дар Қасри варзиши «Кохи Олимп» баргузор мешаванд.
Ёдовар мешавем, ки охирин вохӯриҳои мунтахабҳои Тоҷикистон ва Русия соли 2022 дар Душанбе доир гардида буданд. Дар бозии аввал мунтахаби Тоҷикистон бо ҳисоби 10:7 пирӯз шуд. Бозии дуюм бо ҳисоби 6:2 ба суди мунтахаби Русия анҷом ёфт.
📱 Обуна шавед — Ҳамдастӣ
📱Ба Тик Токи мо обуна шавед