Муовини вазири маориф ва илм бо духтараки соҳибистеъдод аз вилояти Суғд дидор кард

Муовини вазири маориф ва илми Ҷумҳурии Тоҷикистон Каримзода Равшан бо Васлида Сафарзода, духтараки 9-солаи соҳибистеъдод аз шаҳри Гулистони вилояти Суғд, ки бо иҷрои сурудҳои ӯзбекӣ, аз ҷумла суруди машҳури «Баригул», таваҷҷуҳи дӯстдорони мусиқиро ҷалб намудааст, мулоқот кард.

Васлида бо назардошти вазъи саломатӣ ба таълими инфиродӣ фаро гирифта шуда, дар баробари таҳсил ба ҳунару мусиқӣ шавқу рағбати зиёд дорад. Зимни мулоқот ба истеъдоди ҳунарӣ, шавқу рағбати духтарак ба мусиқӣ ва имкониятҳои рушди минбаъдаи қобилиятҳои ӯ таваҷҷуҳ зоҳир гардид.

Дарёфт ва дастгирии кӯдакони соҳибистеъдод, фароҳам овардани шароити мусоид барои таҳсил ва рушди қобилиятҳои онҳо, инчунин ҷалби насли наврас ба фаъолияти эҷодӣ аз самтҳои муҳими соҳаи маориф ба шумор меравад.

📱 Обуна шавед — Ҳамдастӣ
📱Ба Тик Токи мо обуна шавед