Се нафар дар Ҳисор зери чархи мошини "Kia K5" ҷон бохтанд

5-уми октябри соли 2026, тахминан соати 19:30 дақиқа, дар шоҳроҳи Душанбе–Ҳисор–Турсунзода, дар ҳудуди деҳаи Ғуриётии ҷамоати деҳоти Навободи шаҳри Ҳисор, ронандаи автомашинаи тамғаи «Kia K5», рақами қайди давлатиаш 1194 OZ 07, шаҳрванд Ниёзов Ҳамдам Хушмуродович, соли таваллудаш 1987, сокини шаҳри Ҳисор, ҷамоати деҳоти Мирзо Ризо, деҳаи Нуробод, ҳангоми ҳаракат дар шоҳроҳи мазкур пиёдагардонро, ки аз гузаргоҳи пиёдагард мегузаштанд, пахш намудааст, хабар медиҳад пулиси Тоҷикистон.

Дар натиҷаи садама пиёдагардон шаҳрванд Табарова Шукрона Валиҷоновна, соли таваллудаш 1997 ва фарзандони ноболиғаш Табаров Абдураҳмон соли таваллудаш 2017 ва Табарова Ойша соли таваллудаш 2025 сокинони шаҳри Душанбе, ноҳияи Фирдавсӣ ҷароҳатҳои вазнини ҷисмонӣ бардошта, дар ҷойи ҳодиса ба ҳалокат расидаанд.

Ҳодисаи мазкур мавриди таҳқиқ қарор доранд.

📱 Обуна шавед — Ҳамдастӣ
📱Ба Тик Токи мо обуна шавед