​OLED экранларида кўзнинг чарчашини қандай камайтириш мумкин?

Смартфон экрани қурилманинг муҳим қисмларидан биридир. Чунки фойдаланувчи смартфонни бошқаришда айнан унга қарайди. Дисплей матрицаларини ишлаб чиқариш учун ишлатиладиган турли хил технологиялар мавжуд. Уларнинг ҳар бири ўзининг афзалликлари ва камчиликларига эга.

Аксарият флагман смартфонларда органик светодиодлар - OLED технологияси қўлланилган экранлар ишлатилади. Улар ажойиб контрастга, мукаммал қора рангларга эга ва бундан ташқари бир қанча қизиқарли технологияларни (букланувчи экран) амалга ошириш имконини беради. Аммо камчиликларига, паст ёрқинлик (яркость) даражасида узоқ муддат фойдаланганда кўз чарчаши, қизариши ва баъзиларда бош оғриши киради.

Ёрқинлиги қанча паст бўлса, экраннинг пулсацияси шунча кўпроқ намоён бўлади ва кўзлар шунча кўп чарчаши мумкин. Экраннинг милтиллаши (ШИМ) одамнинг кўзига кўринмайди, аммо уни бошқа смартфон камерасини қурилма экранига қаратганда кўриш мумкин.

Юқорида кўрсатилган муаммони ҳал қилиш учун OLED Saver (https://play.google.com/store/apps/details?id=org.js.oledsaver&hl=ru) иловасини юклаб олишингиз керак бўлади.

Ушбу илова экраннинг максимал ёрқинлигини ўрнатади ва унинг устига ярим шаффоф филтрини қўллайди ва шу билан милтиллашни (ШИМ) олиб ташлайди ва фойдаланувчи ўрнатган паст ёрқинликни сақлайди.
Иловани ишга туширганингизда, барча сўралган рухсатларни беришингиз керак, акс ҳолда у ишламайди. ШИМ ни камайтириш режимини ёқиш иловани фаоллаштиради.

Бироқ, ушбу режимдан доимий равишда фойдаланиш тавсия этилмайди, чунки экраннинг узоқ вақт давомида максимал ёрқинлиги баъзи пикселларнинг куйишига олиб келиши мумкин. Бундай ҳолда фойдаланувчи экранида соялар пайдо бўлиши мумкин.

Мавзуга оид каналимиздаги қўшимча маълумот:
• IPS ёки AMOLED қайси дисплей тури смартфонлар учун яхшироқ?
• Нима учун AMOLED экранларда соялар пайдо бўлади ва буни қандай олдини олиш мумкин?

#маълумот #APK