​Смартфонларда SOS режими нима ва ундан қандай фойдаланилади?

Инсон ҳаёти учун хавфли бўлиши мумкин бўлган турли хил вазиятлар мавжуд. Бу соғлиқ билан боғлиқ муаммолар бўладими ёки ташқи таҳдидлар.
Фавқулодда вазият ҳақида яқинларингизни қандай хабардор қилиш ва уларни ёрдамга чақириш мумкин?

Смартфонлардаги SOS режими - фавқулодда вазиятга тушиб қолганингизда, олдиндан танланган контактларингизга автоматик равишда тезкор хабар (SMS, MMS) жўнатади.

Хабарда сизнинг тахминий жойлашувингиз ва ҳудуднинг тавсифи, атрофингиздаги одамлар ҳақида маълумотлар ҳам бўлиши мумкин. Фақат, фавқулодда вазият хабарини олувчиларни олдиндан танлаш кераклигини унутманг.
*Бу функция орқали юборилган SOS хабарларининг аниқ ва ўз вақтида етиб бориши тармоқ ва геолокация функциясининг ҳолати, фавқулодда контактларингиз ишлатадиган қурилма ҳамда улар жойлашган жой каби бир қатор омилларга боғлиқдир.

1. SOS режимини олдиндан созлаш учун, тизим созламаларига кириб юқоридаги қидирув қисмига SOS калит сўзини ёзинг ва керакли бўлимни танланг.
2. Фавқулодда хабарлар жўнатишни фаоллаштириб, хабар олувчи контактини қўшинг.

Samsung Galaxy смартфонлари фойдаланувчиларида, хабарга расм ва аудио ёзув бириктириш имконияти ҳам мавжуд. Яъни, жойлашув маълумотларига қўшимча смартфон олд ва орқа камералари орқали олинган расмлар ва 5-сонияли аудио ёзувни бириктириш мумкин.
Huawei смартфонлари фойдаланувчилари хабарга қўшимча ўзлари ҳақидаги тиббиёт картасини кўрсатишлари мумкин (исм, манзил, қон гуруҳи, аллергиялар, касаллиги).
Xiaomi смартфонлари фойдаланувчиларида хабарга қўшимча, охирги бир соатдаги қўнғироқлар тарихини бириктириш имконияти мавжуд.

Фавқулодда вазиятда контактларга SOS хабарини юбориш учун, қувват(ёқиш) тугмасини 5 марта (Samsung смартфонларида 3 марта) тез-тез босинг.
Ушбу режим экран пароли ўрнатилган ҳолатда ҳам ишлайди.

#маълумот

@gsmgurus_FAQ