​Смартфонда геолокация (жойлашув) нима?

Геолокация - бу бизнинг ҳолатимизда смартфон ёки телефон бўлган электрон қурилманинг ҳақиқий жойлашувини аниқлаш. Геолокация фақатгина сунъий йўлдош тизимлари (GPS, ГЛОНАСС) билан боғланмаган, жойлашувни мобил алоқа станцияларининг жойлашуви ва қурилма Интернетга уланганда бериладиган IP адрес* орқали ҳам аниқлаш мумкин.

* IP адрес - рақамлар тўплами. У сизнинг провайдерингиз ва тармоққа қандай уланганлигингизни билиш учун ишлатилиши мумкин. Жойлашувни шаҳар ёки ҳатто туман миқиёсида аниқлаш мумкин.

Telegram иловасининг "Активные сеансы" пунктида, профилга қайси қурилмалардан ва худуддан кирилгани ҳақидаги маълумот IP адрес орқали тахминий аниқланади. Айтайлик сизнинг яшаш манзилингиз Тошкент шахри, лекин иловада Хоразм ёки бошқа вилоят кўрсатилиши мумкин, сабаби IP адрес, провайдер ва операторлар томонидан ўзгартириб турилади.
Бошқа ижтимоий тармоқ иловаларида ҳам IP адрес орқали хизматдан қайси худуддан фойдаланганлигингиз ҳақида маълумот мавжуд.
IP адрес орқали реал вақтда бировни турган худудини аниқлаб берадиган интернет сайтлар фирибгарликдан бошқаси эмас.

Нима учун геолокация керак?
- Интернет сайт ва хизматлардан фойдаланилганда жойлашган худудингизни аниқлаш учун. Масалан Google дан маълумот излаганда, айнан сизнинг худудингизга мос сайтларнинг кўрсатилиши ёки Яндекс.Такси хизматидан такси чақиртирилганда

- Автомобиль ҳайдовчиларига махсус иловалар орқали бирор бир манзилни излаб топиш ва маршрут тузишда. Масалан Waze, MAPS.ME иловалари ёрдамида

- Камерага олинган фотосуратларда Geo Tagging (расмларни қайси худудда олинганлигини аниқлаш) технологиясидан фойдаланилганда

- Ижтимоий тармоқ ва мессенджер иловалари орқали яқин атрофдаги дўстларни излашда

- Йўқотилган смартфонни жойини аниқлаш учун. Излаб топишда мобил операторларда кўпроқ имконият мавжуд

- Иловалар ёрдамида сухбатдошингизнинг реал вақтда жойлашган худуди ва ҳаракатларини кузатиш. Албатта иккинчи томоннинг розилиги билан

Сиз геолокациядан қандай мақсадларда фойдаланасиз?. Бу ҳақида комментарии шаклида ёки гуруҳимизда ёзиб қолдиринг.

#маълумот