Ушбу оммавий ахборот воситалари вакилларига АҚШ президенти қароргоҳига кириш тақиқланди. Бунга жавобан, Оқ уйга кириши тақиқланган учта ОАВ Трамп ва унинг маъмуриятини судга берди

АҚШнинг CNN, Politico ва MS NOW нашрлари президент Доналд Трамп ҳамда унинг маъмуриятидаги уч амалдор устидан судга мурожаат қилди. Оммавий ахборот воситалари ўз журналистларининг Оқ уйга кириш ҳуқуқини тиклашни талаб қилмоқда.

Нашрлар Вашингтондаги АҚШ федерал округ судидан Трамп маъмуриятининг бу ҳаракатларини зудлик билан Конституцияга зид деб топиш ва бундай ҳаракатларнинг давом этишини тақиқлашни сўради.

Трамп CNN, MS NOW ва Politico журналистларини Оқ уйга киритишни таъқиқлагач, АҚШнинг энг йирик телетармоқлари бирдамлик сифатида президент тадбирларини ёритишдан бош тортди

CNN билан биргаликда Оқ уйнинг телевизион пулига кирувчи Қўшма Штатларнинг тўртта энг йирик телетармоғи Оқ уйда фаолият юритиши рухсат этилмаган телеканалнинг суратга олиш гуруҳини ўрнини алмаштиришдан бош тортди.

"Жамоатчилик ўз ҳукумати ҳақида аниқ ва мустақил маълумот олишдан ўта манфаатдор. Ҳеч қайси маъмурият янгиликлар ташкилоти фаолиятини фақатгина унинг репортажлари ёқмагани учунгина чекламаслиги керак. Бизнинг қароримиз шуни англатадики, умумий телевизион пул Трамп иштирокидаги четлатилган журналистлар ишлаши кўзда тутилган тадбирларни ёритмайди", дейилади АBC, CBS, NBC, Fox News ва CNN'нинг қўшма баёнотида.