Рақамлар ижтимоий босимни "сотиб" қўйди ёхуд умри ишхонада ўтаётган одамлар

Тошкент шаҳрида Йўл ҳаракатини ташкил этиш маркази эълон қилган статистикага эътибор беринг. Тошкентда эрталабки "час-пик"да (07:00–08:00) 303 885 та машина ҳаракатланган. Кечқурун эса (18:00–19:00) бу кўрсаткич 284 999 тани ташкил этган.

Эрталаб ишга кетган яна 19 мингта машина қаерга ғойиб бўлган? Бу саволнинг жавоби фақат талабалар ёки мактаб ўқувчиларининг эртароқ уйга қайтиши билан боғлиқ эмас. Гап шундаки, давлат идоралари ва бюджет ташкилотларининг амалдаги иш режими сабаб кечки "час-пик"да машиналар камроқ бўлишига "хизмат" қилади.

Яқинда вазирликда ишлайдиган танишлар билан бирга наҳорги ошдан қайтдик. Манзилга етиб келгунча ич-этини еб битирди. Соат 9:10 гача ишхонада бўлиши шарт экан. Бўлмаса ойликдан "кесилар"миш. Иш вақти эса расман 18 да тугайди. Лекин амалда камида соат 21 гача қолиб кетар экан.

Бундай босим остида ишлаш руҳий зўриқишга ва иш унумдорлигига салбий таъсир қилади.

👉Каналга уланиш👈