🇨🇳 Электромобиллар қимматлаши кутилмоқда — Хитой машиналарга солиқ имтиёзини қисқартиради

Хитой ҳукумати 2027 йил 1 апрелдан янги энергияда ҳаракатланувчи автомобиллар экспорти учун ҚҚС қайтариш ставкасини 13 фоиздан 9 фоизга туширади.

Янги тартиб тўлиқ электр автомобиллари, плагин-гибридлар, электр автобуслар ва юк автомобилларига татбиқ этилади. Бу ҳақда Хитой Молия вазирлиги ва Давлат солиқ бошқармаси маълум қилди.

Бу ўзгариш ишлаб чиқарувчиларнинг экспортдан оладиган маржасига босим қилади. Deutsche Bank таҳлилчилари ҳисоб-китобига кўра, янги тартиб BYD’нинг экспорт қилинган ҳар бир автомобилидан оладиган соф фойдасини тахминан 5 минг юанга ($743) камайтириши мумкин.
Хитойнинг электромобил экспорти эса жадал ўсмоқда. 2026 йил январь–сентябрь ойларида мамлакат 4 миллиондан ортиқ автомобилларини экспорт қилди. Бу ўтган йилнинг шу даврига нисбатан 130 фоиздан кўп ўсишдир.

Шунинг учун солиқ имтиёзларининг қисқариши хитойлик ишлаб чиқарувчилар учун экспорт харажатларини оширади.

@Geointriga_uz