Украина Президенти Владимир Зеленский Россиянинг Запорожьега берган зарбаси оқибатида ҳалок бўлганлар сони 12 нафарга етганини маълум қилди. Яна 14 киши жароҳатланган. Қутқарувчилар вайрон бўлган бинолар харобалари остида қолган бўлиши мумкин бўлган яна 12 кишини қидирмоқда.
«Бугун Россия дизель экспортига қўйилган санкциялар бекор қилинганига Запорожьедаги турар жойларга бешта бошқариладиган авиабомба ташлаш билан жавоб берди.
Бу тун Россияда босимнинг ҳар қандай юмшатилиши урушни давом эттириш, шаҳарларга бомба ташлаш мумкинлигига ишора сифатида қабул қилинишини яна бир бор тасдиқлади.
Бошқача сигналлар керак. Россия урушни тўхтатиш зарурлигини англаши керак. Бунинг учун у ўз йўқотишларини ҳис қилиши лозим»,
— деди Зеленский.
@Geointriga_uz