▪️ Озиқ-овқат хавфсизлиги. Қишлоқ хўжалиги маҳсулотларини давлат харидлари орқали ўзаро сотиш бозорларини очиш тўғрисидаги битим ва озиқ-овқат хавфсизлиги бўйича ҳамкорлик дастурини тезроқ келишиш таклиф этилди. Шунингдек, озиқ-овқат ва ўғитлар экспортига чеклов киритишдан олдин ҳамкорларни хабардор қилиш ва маслаҳатлашиш механизмини жорий этиш ташаббуси билдирилди.
▪️ Транспорт ва логистика. Интеграциялашган логистика марказларини ташкил этиш, транзит харажатларини камайтириш, юк ташиш қоидаларини бирхиллаштириш ва МДҲнинг ягона транспорт ахборот тизимини шакллантириш таклиф қилинди.
Туркманистоннинг 2029 йилни МДҲда Транспорт боғлиқлиги йили деб эълон қилиш ташаббуси қўллаб-қувватланди.
▪️ Энергетика ва экология. Минтақанинг энергетик боғлиқлигини ривожлантириш бўйича узоқ муддатли прогноз ишлаб чиқиш, кам углеродли технологияларни жорий этиш ва ресурслардан қайта-қайта самарали фойдаланишга асосланган иқтисодиётни ривожлантириш таклиф этилди.
▪️ Маданий-гуманитар ҳамкорлик. Давлатлараро гуманитар ҳамкорлик жамғармаси имкониятларини кенгайтириш ва «Маданий сиёсат ва креатив индустриялар» форумини ташкил этиш ташаббуси илгари сурилди.
▪️ Киберхавфсизлик. Кибержиноятчиликка қарши курашиш учун МДҲ Ички ишлар вазирлари кенгашига қўшма алоқа марказини ташкил этиш бўйича чора-тадбирлар ишлаб чиқиш таклиф қилинди.
Мирзиёевнинг асосий позицияси: МДҲ мамлакатлари ўртасидаги ҳамкорликни фақат тарихий ва инсонлараро яқинлик билан чеклаб қўймасдан, уни аниқ иқтисодий натижаларга айлантириш керак.
@Geointriga_uz