🇩🇪 Германияда икки партия Украинага ёрдамни тўхтатиш ва Россия билан муносабатларни нормаллаштириш ҳақида резолюция қабул қилишни таклиф қилмоқда

Резолюцияни ўта ўнг қанотдаги «Германия учун альтернатива» (AfD) ва сўл популистик «Ижтимоий адолат ва оқилона иқтисодиёт учун иттифоқ» (BSW) партиялари тайёрлаган. Reuters ёзишича, ер сайловлари якунларига кўра, ушбу икки партия Саксония-Анхальт ландтагида кўпчиликни ташкил қилади.

Резолюция ландтагдан Россияга қарши санкциялар сиёсати, шунингдек, Украинага қурол-яроғ ва молиявий ёрдам етказиб бериш сиёсати муваффақиятсиз бўлганини эълон қилишни сўрайди. Ҳужжатда ер ҳукумати федерал ҳукуматга босим ўтказиб, «Украинадаги кескинлашувнинг янада кучайишининг олдини олиш ва тинчликпарвар сиёсатни амалга ошириш», Россияга қарши санкцияларни бекор қилиш ҳамда у билан иқтисодий муносабатларни нормаллаштиришга чақирилиши кўзда тутилган.

@Geointriga_uz