Вейптерді заңсыз әкелу эпизоды бойынша ақтау үкімінің күші жойылды
 
Қостанай облысындағы автомобиль өткізу пунктінде көлік құралын тексеру барысында Қазақстанға әкелуге тыйым салынған электрондық темекілер (вейптер) анықталған.

Бірінші сатыдағы сот екі сотталушыны вейптерді заңсыз сатқаны және таратқаны үшін кінәлі деп танып, оларды заңсыз әкелу эпизоды бойынша ақтаған.

Іс материалдарына сәйкес өткізу пункті Қазақстан аумағында орналасқан. Сондықтан вейптермен Мемлекеттік шекараны кесіп өту фактісінің өзі олардың ел аумағына әкелінгенін білдіреді және бұл кейіннен шекаралық бақылаудан өту-өтпеуіне қарамастан, әкелу фактісін өзгертпейді.

Прокурордың наразылығы бойынша кассациялық сот вейптерді әкелу эпизодыбойынша ақтау бөлігіндегі сот актілерінің күшін жойып, істі жаңадан қарауға жіберді.

🌐 https://t.me/GenPr

Facebook | Instagram | YouTube | Сайт ГП