Gazeta.uz — Maxsus kanal

“Qonunlar ishlaydi, davlat bor, degan gap dalda bergan”. Surxondaryo hokimiga e’tiroz qilgan maktab direktori Umida Tursunova bilan suhbat

2023-yilning 26-iyulida Surxondaryo viloyati Sariosiyo tumanida viloyat hokimi Ulug‘bek Qosimov va shu tumandagi 28-maktab direktori Umida Tursunova o‘rtasida tortishuv bo‘lgan edi. Shundan keyin direktor 15 sutkaga qamaldi, mahalladoshi tomonidan esa kaltaklandi.

Ta’lim tizimi haqida gap ketganda, bu mojaro haligacha eslanadi. Viloyat hokimiga qarshi chiqqan o‘qituvchining hozirgi taqdiri, ehtimol, ko‘pchilikka qiziq. Gazeta muxbiri Sariosiyodagi 28-maktabda bo‘lib, direktor Umida Tursunova bilan suhbatlashdi.

“Bobom rahmatli ham shu maktabda ishlaganlar. Menga ‘Sen ona tili o‘qituvchisi bo‘lasan’ derdilar. Yana aytardilarki, “Qonunlar ishlaydi, davlat bor” deb. Bu gap odamning miyasiga singib qolsa, yuragida o‘ziga o‘zi dalda berar ekan-da. Nihoyat buning oqibati hokimgacha yetib bordi”, – deydi Umida Tursunova.

“Aytadigan gapim balki kimgadir yoqmas, lekin hech qaysi ayolga bunchalik kurashib, sog‘ligini yo‘qotishni maslahat bermasdim. O‘zlariga qulay bo‘lgan joyda, yo‘l beradigan odamlar ichida ishlashlari tarafdoriman. O‘sha xotiralarimni hozir ham esalasam, xafa
bo‘lib ketaman”, – deb qo‘shib qo‘ydi direktor.

Matn: https://www.gazeta.uz/uz/2026/10/01/28-maktab/

Video: https://youtu.be/rQvGzdUZNFI

Otabek Turdiyev

@gazetauzmaxsus

“Meni qamashadimi deb qo‘rqqandim” — “Hokimiyat qayerga qarayapti?” memi muallifi Zayniddin Alimov

Gazeta “Meni taniysiz” nomli loyiha boshladi. Unda gap-soʻzlari virusdek tarqalgan yoki intervyularidan olingan iqtiboslar keng ommaga yetib borgan o‘zbekistonliklar haqida hikoya qilinadi. Qahramonlar bunday “mashhurlik”dan so’ng hayotida qandaydir o‘zgarish bo‘lganmi-yo’qmi, bu ularga qanday ta’sir qilgan — shunga o‘xshash savollarga javob beradi.

Loyihaning ilk qahramoni — “Mahalla qayerga qarayapti, hokimiyat qayerga qarayapti, televideniye qayerga qarayapti?” xitobi muallifi termizlik Zayniddin Alimov.

U 2023-yil “Surxondaryo” telekanaliga bergan intervyusida Termiz shahrida ikki kun tinimsiz yomg‘ir yogʻgani sababli ko‘chalarda suv to‘planib qolganidan shikoyat qilgandi.

Oradan shuncha vaqt o‘tibdiki, Zayniddin akaning bu so‘zlari hamon insonlar yodida. U yashaydigan ko‘chada ham haliyam ba’zida suv to‘planib turadi.

Video: https://youtu.be/YcFlz0jKxHQ

Otabek Turdiyev

@gazetauzmaxsus

Tillarning o‘zaro bog‘liqligi qanday aniqlanadi? “Lektorium”ning ilk ochiq ma’ruzasi

Gazeta va “Yangi O‘zbekiston” universiteti hamkorligida yo‘lga qo‘yilgan “Lektorium” loyihasining ilk ochiq ma’ruzasida tilshunos Eldor Asanov qiyosiy-tarixiy tilshunoslik sohasini sodda tilda tushuntirib berishga harakat qildi.

Tillar o‘rtasidagi o‘xshashliklar qarindoshlikni anglatadimi?

Tillarning o‘zaro munosabatlariga oid qanday nazariyalar mavjud?

Rekonstruksiya qilingan so‘zlar qanday o‘qiladi?

Oltoy tillari oilasi nega haligacha bahslarga sabab bo‘lmoqda?

Ma’ruzada shu kabi savollarga javob topasiz.

🎬 Video: https://youtu.be/2VDvToGZXVM

📖 Matn: https://www.gazeta.uz/oz/2026/09/04/lektorium/

@gazetauzmaxsus

“Standartlar blogerga ham, amaldorga ham birdek ishlashi kerak”. Mansabdorlar ishi nega yopiq koʻrilyapti? Mavzu muhokamasi

Yaqin bir yil ichida O‘zbekistondagi ba’zi sohalar tizimi katta taftishni boshdan kechirdi. Bu jarayonda yuqori lavozimdagi o‘nlab shaxslar korrupsiyaviy jinoyatlarda ayblanmoqda, ularning sudi boshlangan. Ammo turli sabablar bilan ishlar yopiq ko‘rilishi e’lon qilingan.

Jamoatchilik buni ochiqlik va shaffoflik prinsipiga zid deb baholamoqda, ular jarayon ochiq o‘tishi tarafdori.

Gazeta sud ishlari kesimida jarayon qonunchilikning aynan qaysi bandlari bilan yopiq ko‘rilayotgani, aytilgan sabablar qanchalik asosli ekani hamda ishlar qachondan ochiq ko‘rilishi mumkinligini muhokama qildi. Suhbatda Toshkent shahri sudlari matbuot kotibi Tursunali Akbarov hamda inson huquqlari faoli Abdurahmon Tashanov ishtirok etdi.

Matn: https://www.gazeta.uz/oz/2026/08/07/podkast-sud/

Video: https://youtu.be/oBbDg5RWk34

Dilshoda Shomirzayeva, Ma'murjon Obrahmatov

@gazetauzmaxsus

“Uning qiymati pul bilan o‘lchanmaydi”. Nega ijtimoiy obyektlar uchun kurashish kerak? Mavzu muhokamasi

Alisher Navoiy nomidagi davlat adabiyot muzeyi Yangi Toshkentga ko‘chiriladi. Muzey eski binosining taqdiri esa noma’lum. Vaziyat jamoatchilik muhokamasiga sabab bo‘ldi, ziyolilar Navoiy muzeyi ko‘chirilmasligini so‘ramoqda.

Ularning fikricha, muzeydagi noyob eksponatlar taqdiri xavf ostida qolishi mumkin. Muzey ma’muriyati ular uchun asosiy mezon joy emas, balki noyob merosni saqlash sharoiti ekanini aytmoqda.

Ijtimoiy obyektlarning asta-sekin yo‘qolib borishi nimalarga olib keladi? Nega ularga ijtimoiy ne’mat sifatida qaraladi? Bunday binolarni saqlab qolishga intilish qanchalik muhim? Gazeta mavzuni jamiyatshunos Dilsora Komil hamda shaharsoz Iskandar Soliyev bilan muhokama qildi.

Matn: https://www.gazeta.uz/oz/2026/07/21/muzey/

Video: https://youtu.be/oKpIho8Yqm0?si=Kd7iLKEMMKWXv7YG

Dilshoda Shomirzayeva, Ma’murjon Obrahmatov, Shahzod Habibullayev

@gazetauzmaxsus

Nolanning “Odisseya”si va iyul premyeralari: O‘zbekistonda namoyish nega bir haftaga kechikadi?

“Kinotavsiya”ning yangi sonida Sarvar Karimov Kristofer Nolanning intizorlik bilan kutilayotgan yangi filmi, premyera sanasi surilishining sabablari hamda iyul oyining eng muhim film va seriallari haqida hikoya qiladi.

Videoda sizni quyidagi mavzular kutmoqda:

🎥Nolan fenomeni va uning ta’siri: “Memento”dan “Oppengeymer”gacha bo‘lgan yo‘l.

💵Kino olamidagi inqiroz: Gollivud studiyalarining qiyinchiliklari va kutilmaganda kinodan millionlab dollar daromad topayotgan YouTube blogerlari.

🎞Bolalar va oilaviy tomosha uchun: “Shirin ertak”, “Minyonlar va maxluqlar”, “Dovyurak Dovud” va “Vaqt patruli” multfilmlari.

📺Qo‘rqinchli filmlar muxlislari uchun: Qirg‘izistonning Markaziy Osiyo folkloriga asoslangan “Kassandra” filmi va boshqa dahshatli kartinalar.

Seriallar: “Ajdaho uyi”ning muvaffaqiyatli 3-mavsumi hamda Spilberg va Skorseze prodyuserlik qilgan yangi mini serial.

Video: https://youtu.be/npzLKbFiNaY?si=YwZg8m9wsNcexmPR

Sarvar Karimov, Behzod Habibullayev, Maʼmurjon Obrahmatov, Bahodir Abdullayev

@gazetauzmaxsus

“Qaysi o‘yinlarni ko‘ramiz?”: biz kutgan Jahon chempionati boshlanmoqda!

Nihoyat O‘zbekiston milliy terma jamoasi ilk marta ishtirok etadigan Jahon chempionati start olmoqda.

“Qaysi o‘yinlarni ko‘ramiz?” loyihasining bu turnirga bag‘ishlangan maxsus sonida Xayrulla Hamidov terma jamoamiz ishtirokidagi o‘yinlar va guruh bosqichining boshqa muhim uchrashuvlari anonsi bilan bo‘lishadi.

O‘zbekiston Kolumbiyaga qarshi debyut qiladi, Ronaldu boshchiligidagi Portugaliya sinovidan o‘tadi va Kongo bilan guruh bosqichi masalasini hal qilishga urinadi.

Messi, Ronaldu, Luka Modrich kabi afsonalar so‘nggi raqsini ijro etadi.

Holand va Mbappe o‘zaro hisob-kitob qiladi.

Shu va boshqa qarama-qarshiliklar anonsi batafsil quyidagi videoda:

https://youtu.be/Vcle8BBKrds

Xayrulla Hamidov, Shahzod Habibullayev, Maʼmurjon Obrahmatov, Bahodir Abdullayev

@gazetauzmaxsus

“Xalq tomoshabin emas, ishtirokchi bo‘lsin” — Toshkent shahri hokimi Shavkat Umurzoqov bilan eksklyuziv intervyu

Gazeta muxbiri Toshkent shahri hokimi Shavkat Umurzoqovga hamrohlik qilib, uning bir kunlik ish jarayonini tasvirga oldi.

Hokim xalq bilan muloqot muhimligi, nima uchun kichik muammolarni ham prezident hal qilayotgani, nega amaldorlar jamoat transportida yurmasligi haqida fikr bildirdi.

“Hokimlar kelib-ketaverishi mumkin, lekin tizim ishlashi kerak. Insonlar shaxsga emas, islohotlarga ishonadigan tizim bo‘lishini istayman. Hokim sifatida maqsadim – yoshlarimiz 18 yoshgacha sog‘lom va ilmli bo‘lib o‘sishi uchun nimaiki qilish kerak bo‘lsa, hokim shu ishni qilishi kerak. Shu ikki narsa bo‘lsa, korrupsiya ham bo‘lmaydi, suv ham toshmaydi, daraxtlar qurimaydi, qurilish ham sifatli bo‘ladi – hammasiga ilm bilan yondashilgan bo‘ladi”, – dedi Umurzoqov.

Video: https://youtu.be/MeTYdla9_vc

Maqola: https://www.gazeta.uz/uz/2026/05/20/toshkent-hokimi/

Otabek Turdiyev

@gazetauzmaxsus

Termizdagi logistik hab: Yevropagacha borayotgan afg‘on qozoni, afg‘onistonliklarga to‘la shifoxona — pasport va mahramsiz kirib bo‘lmas Ayritomdan reportaj

Airitom free zone — O‘zbekistonning Termiz va Afg‘onistonning Mozori Sharif shaharlari orasi, Amudaryoning o‘ng qirg‘og‘i (Termiz tumani)da joylashgan xalqaro erkin savdo zonasi.

U 2024-yil avgustida ochilgan. Ayritomga shu kungacha 1 milliondan ortiq afg‘onistonlik, 600 mingdan ziyod o‘zbekistonliklar kelgan.

Afg‘oniston tomondan ayollar mahramsiz kelishi mumkin emas. Shuningdek, Ayritom hududida tamaki va alkogol mahsulotlar savdosi taqiqlanadi. Musiqa qo‘yishga ham ruxsat berilmaydi.

Gazeta muxbiri 6-7-aprel kunlari Termizda bo‘lib, Ayritom erkin savdo zonasidan reportaj tayyorladi.

Video: https://youtu.be/k1rl6vh3n90

Maqola: https://www.gazeta.uz/oz/2026/05/17/airitom/

Otabek Turdiyev

@gazetauzmaxsus

May — futbol olamida finallar va sarhisob oyi

Xayrulla Hamidov “Qaysi o‘yinlarni ko‘ramiz?” loyihasining navbatdagi sonida mavsum yakunidagi eng muhim bahslar haqida hikoya qiladi.

📌 Bu sonda:

Yevropa finallari: Chempionlar ligasi, Yevropa ligasi, Italiya, Angliya, Germaniya va Fransiya kuboklarining yakuniy bahslari;

Abduqodir Husanovning navbatdagi finali;

Ispaniyada chempionlik rasmiylashtirilishi kutilayotgan El-Klasiko;

Ronalduning Saudiya Arabistoni chempionatidagi ilk g‘oliblik sari yo‘li va boshqa o‘yinlar haqida so‘z boradi.

Video: https://youtu.be/V88UbYG6IGc

Xayrulla Hamidov, Shahzod Habibullayev, Maʼmurjon Obrahmatov, Bahodir Abdullayev

@gazetauzmaxsus

“Kinotavsiya”: Kinoteatrlarda qanday filmlar namoyish etilmoqda?

Bu yil kino olami ancha qizg‘in, aprel ham bundan mustasno emas.

Rejissyor Sarvar Karimov “Kinotavsiya”ning yangi sonida ayni kunlarda katta ekranlarda namoyish etilayotgan filmlarni saralab berdi:

1️⃣ “Farz” — rejissyorimizning o‘zidan samimiy va og‘riqli ijtimoiy drama. Kartina mamlakatning bir nechta hududida namoyish etilmoqda.

2️⃣ “Maykl” — Pop qirolining afsonaviy hayot yo‘li haqidagi bayopik.

3️⃣ ”Iblis Prada kiyadi 2” — Miranda Pristli va uning sobiq yordamchisi o‘rtasidagi 20 yillik raqobat hikoyasi.

Shuningdek, tomoshabinlarni Meksika orqali AQShga intilganlar haqidagi “Nelegal” filmi, koinotni qutqarayotgan “Super Mario” ham kutmoqda.

Video: https://youtu.be/1FmV6iBYwD0?si=7gXtEXw4y-Qzb5U_

Keyinroq ko‘rishni istasangiz, ushbu postni Saqlangan xabarlar (Saved Messages)ga jo‘natib qo‘ying.

Sarvar Karimov, Ma’murjon Obrahmatov, Behzod Habibullayev, Bahodir Abdullayev

@gazetauzmaxsus

Aprel oyining eng qaynoq oʻyinlari: YChL, APL va vodiy derbisi | Xayrulla Hamidov | Gazeta

Har bahorda shu boʻlar takror... Futbol mavsumining eng hal qiluvchi, hayajonli va murosasiz pallasi — aprel oyi yetib keldi!

Ushbu sonda siz bilan birga yaqin haftalar ichida yashil maydonlarda sodir boʻladigan eng yirik toʻqnashuvlar kartinasini chizamiz.

Ushbu videoda quyidagi va boshqa bahslar haqida soʻz boradi:

Yevropa Chempionlar ligasi: “Real Madrid” — "Bavariya", “PSJ” — “Liverpul” va “Atletiko” — “Barselona”. Kimlar yarim final sari qadam tashlaydi?

“Andijon” va “Navbahor” oʻrtasidagi shiddatli vodiy derbisi. Samvel Babayan sobiq jamoasiga qarshi!

APL taqdiri: “Manchester Siti” — “Arsenal” bahsi chempionlik masalasiga aniq nuqtani qoʻyadimi?

Video: https://youtu.be/n21MRT3s_AM

Xayrulla Hamidov, Bahodir Abdullayev, Maʼmurjon Obrahmatov, Shahzod Habibullayev

@gazetauzmaxsus

“Eski mahsulot sotsak, xaridorlarning ko‘ziga qanday qaraymiz?” Buxorodagi “Ko‘klik” dehqon bozoridan reportaj

Xalq tilida “Zelyoniy” bozor deb ataladigan “Ko‘klik” dehqon bozori Buxoroning Eski shahar qismida joylashgan. Shahar aholisining hisobiga ko‘ra, yoshi 80 dan oshgan, Turkiy Jandiy ko‘chasidagi bu bozor arzonligi va o‘ziga xos yashil muhiti bilan tanilgan.

Qur’on tilovati ostida non yopadigan Jo‘rabek aka, “Oqlikka xiyonat qilib bo‘lmaydi”, deya sutlarini sof sotadigan, uyiga 20 yildan beri gaz bormaydigan xola, ro‘za kunlari ko‘p duo olganini yig‘lab eslagan Madina opa-yu, sotuvchilarni himoya qiladigan xaridorlardan iborat bozor Ramazonni qanday kuzatib qo‘ydi? Gazeta reportaji.

Reportaj bilan quyidagi havola orqali tanishishingiz mumkin:

https://www.gazeta.uz/oz/2026/03/22/zelyoniy-bozor-buxoro/

Ziyoda Ramazonova, Yevgeniy Sorochin

@gazetauzmaxsus

“Besh yoshimdan nisholdaning ichidaman” – marg‘ilonlik nisholdachidan master-klass

Nisholda — ramazon oyida saharlik va iftorlik dasturxonini bezaydigan yeguliklardan biri. Uning tayyorlanish jarayoni esa hamisha qiziq bo‘lib kelgan. Uch turdagi mahsulot (shakar, tuxumning oqi va bix) qorishmasi ko‘pchilik sevib iste’mol qiladigan shirinlikka aylanadi.

Gazeta muxbiri marg‘ilonlik nisholdachi Anvarjon Ismoilovning xonadonida bo‘lib, u bilan nisholdachilik sir-asrorlari haqida gaplashdi.

Anvarjon aka Ramazonda buyurtmalarga qarab, bir kunda hatto 200 kg gacha nisholda tayyorlaydi.

“Nisholdani ko‘p iste’mol qilish salomatlik uchun zarar emas, faqatgina qandli diabeti borlar bundan mustasno”, — deydi Anvarjon aka.

Otabek Turdiyev

Video: https://youtu.be/aQl0GPNhZgs

Matn: https://www.gazeta.uz/uz/2026/03/19/nisholda/

@gazetauzmaxsus

“Eshikdan tosh otib, iftorlik vaqtini aniqlar edik”. Keksalarning yarim asr oldingi Ramazon xotiralari

Bugun Ramazon oyi boshlanishi bilan televizor-u ijtimoiy tarmoqlarda saharlik va iftorlik taqvimlari paydo boʻladi. Masjidlar gavjumlashadi, tamaddixonalar iftorlik dasturxonini taklif etadi. Bundan 50-60 yil avval-chi?

Goʻsht oʻrniga turshak solingan shavla, saharlikka tortilgan piyova, nonga navbat, ayollar aytgan Ramazon qoʻshigʻi, hayit bozoridagi tuxum urishtirish-u argʻimchoq uchishlar, sovetcha taqiqlar. Bular bundan yarim asr avval Oʻzbekistondagi Ramazonning ajralmas qismi edi. Ana shu davrning tirik guvohlari oʻz xotiralarini Gazeta bilan boʻlishdi.

🔹 Soat-u televizor boʻlmagan kezlarda ogʻiz ochish va yopish vaqti qanday aniqlangan?

🔹 Yoʻqchilik davrida koʻp sonli aʼzolardan iborat oilalarni iftorlik dasturxoni atrofida nima birlashtirib turgan?

🔹 Ramazon qoʻshiqlarining aytilishi hududdan hududga qanday farq qilgan?

🔹 Ramazon hayitining bugungi avlod uchun allaqachon begonaga aylangan qanaqa urf-odatlari boʻlgan?

🔹 Mustamlaka tuzum davrida roʻza va hayit namoziga qanday taqiqlar qoʻyilgani-yu xalqning oʻzi bu amallarni qanday saqlab qolgani haqida maqolamizda tanishishingiz mumkin.

Keyinroq o‘qishni istasangiz, ushbu postni Saqlangan xabarlar (Saved Messages)ga jo‘natib qo‘ying. Iftorlikdan so‘ng yoqimli mutolaa tilaymiz!

Maqola: https://www.gazeta.uz/oz/2026/03/19/ramazon-xotiralari/

Ziyoda Ramazonova

Surat: “Ramazon hayiti” filmidan lavha.

@gazetauzmaxsus