❗️Endi banklar krediti borlarning kartasidagi bor pulini yechib ololmaydi

Markaziy bank tijorat banklarining kredit va kafillik qarzdorligi uchun mijozning roziligisiz bank kartalaridan pul yechib olish tartibiga cheklov kiritdi.

Adliya vazirligida ro‘yxatdan o‘tkazilgan yangi nizomga ko‘ra, bank kredit yoki kafillik shartnomasi bo‘yicha avtomatik ravishda pul yechib olayotganda, mijozning bank kartalarida Mehnatga haq to‘lash eng kam miqdorining (MHTEKM) kamida 50 foizi qoldirilishi shart.

Bugungi kunda MHTEKM 1 360 000 so‘mni tashkil etadi. Demak, kartada kamida 680 000 so‘m mablag‘ fuqaroning birlamchi kundalik ehtiyojlari (yegulik, dori-darmon va boshqalar) uchun daxlsiz bo‘lib qoladi.

Cheklov shaxsning barcha bank kartalari va hisobvaraqlaridan avtomatik yechib olish jarayoniga tatbiq etiladi. Ushbu qaror rasmiy e’lon qilingan kundan e’tiboran 3 oydan so‘ng amalga tatbiq etiladi.

🔝 @foydali_moliya — obuna bo‘ling