2026 FGC Central Asia-ға еріктілерді қабылдау басталды!

Сіздерді 2026 FIRST Global Challenge Central Asia халықаралық робототехника жарысының еріктілер тобына қосылуға шақырамыз!

Іс-шара Орталық Азиядан келген жас инженерлер мен робототехника командаларын біріктіреді.

Өтетін күндері: 2026 жылғы 24–26 тамыз
Өтетін орны: Қазақ ұлттық спорт университеті, Астана қаласы https://go.2gis.com/nVQt9
Уақыты: жарыс күндері толық күн. Нақты жұмыс кестесі мен ауысымдар іріктеуден өткен еріктілерге қосымша хабарланады.

Еріктілер іс-шараның келесі бағыттарына қолдау көрсетеді:
• командаларды тіркеу және қатысушыларға көмек көрсету;
• жарыс алаңының жұмысын ұйымдастыру;
• төрешілік және пит-аймақ жұмысын үйлестіру;
• салтанатты рәсімдер мен қонақтарды қарсы алу;
• медиа, контент және коммуникация;
• логистика және іс-шараның жалпы ұйымдастыру жұмыстары.

Бұл - халықаралық іс-шараны ұйымдастыру тәжірибесін жинауға, Орталық Азия елдерінен келген қатысушылармен және мамандармен танысуға, STEM-білімнің дамуына үлес қосуға және жаһандық FIRST қауымдастығының бір бөлігі болуға тамаша мүмкіндік.
Біз жауапты, белсенді, тіл табыса білетін және командада жұмыс істеуге дайын волонтерлерді іздейміз.

Тіркелу: https://forms.gle/9u3gpQQuAwstuW3k9
Тіркелудің соңғы күні: 17.08.2026

Бізге қосылып, жас өнертапқыштар үшін ұмытылмас жарыс ұйымдастыруға үлес қосыңыз!