📍Farg‘ona viloyatida Asosiy fan olimpiadasi tasdiqlangan reja-grafik asosida davom etmoqda.
🔹Bugungi bellashuvlarda o‘quvchilar kimyo fanidan o‘z bilim va salohiyatlarini sinovdan o‘tkazmoqda.
Ishtirokchilarga olimpiada jarayonida foydalanish uchun Fan olimpiadalari markazi tomonidan davriy kimyoviy elementlar jadvali taqdim etildi.
➡️Olimpiadani yuqori saviyada tashkil etish, ishtirokchilar uchun zarur sharoitlarni yaratish, shuningdek, bellashuvlarning shaffof va adolatli o‘tishini ta’minlashga alohida e’tibor qaratilmoqda.
🔹Bugungi bellashuvlarda umumta’lim maktablarining 9–11-sinf o‘quvchilari, nodavlat ta’lim tashkilotlari o‘quvchilari hamda texnikum talabalari — jami 5 ming nafarga yaqin yosh ishtirok etishi kutilmoqda.🪙Mazkur olimpiada yoshlarning bilim olishga bo‘lgan intilishini rag‘batlantirish, iqtidorli o‘quvchilarni aniqlash va ularning salohiyatini namoyon etish uchun muhim imkoniyat yaratadi.
Farg‘ona viloyati Maktabgacha va maktab ta’limi boshqarmasi Axborot xizmati.