💎FARG‘ONADA ASOSIY FAN OLIMPIADASIGA START BERILDI: 60 MINGDAN ZIYOD O‘QUVCHI BILIMLARINI SINOVDAN O‘TKAZMOQDA!

📍Farg‘ona viloyatida Asosiy fan olimpiadasining tuman (shahar) bosqichiga start berildi.

🔵 Joriy bosqichda viloyatning 19 ta tuman va shahridan 60 ming nafardan ziyod o‘quvchi ishtirok etmoqda.

➡️Olimpiada 16 ta hududda an’anaviy shaklda, Farg‘ona va Quvasoy shaharlari hamda Furqat tumanida esa kompyuter orqali onlayn tarzda tashkil etildi.

⬇️Belgilangan reja-grafik asosida bugun o‘quvchilar geografiya fanidan o‘z bilim va salohiyatlarini namoyon etmoqda.

🔹13 kun davom etadigan olimpiada davomida ishtirokchilar turli fanlar bo‘yicha bellashadilar.

🪙Olimpiadaning ilk kunida barcha hududlarda tantanali ochilish tadbirlari o‘tkazilib, ishtirokchilarga omad tilandi.

🌐Jumladan, Farg‘ona shahridagi 26-umumiy o‘rta ta’lim maktabida ham olimpiada uchun zarur sharoitlar yaratilgan.

📊Mazkur bosqichda shahardan jami 3 003 nafar o‘quvchi ishtirok etish uchun ariza topshirgan.
⌛
Bellashuvlarning shaffof, xolis va adolatli o‘tishini ta’minlashga alohida e’tibor qaratilgan.

🔹Shuningdek, ota-onalar uchun ham zarur qulayliklar yaratilgan.

⏸Asosiy fan olimpiadasi o‘quvchilarning bilimini sinovdan o‘tkazish, iqtidorli yoshlarni aniqlash hamda ularning intellektual salohiyatini namoyon etish uchun muhim maydon hisoblanadi.

🌐Barcha ishtirokchilarga omad va muvaffaqiyat tilaymiz!

Farg‘ona viloyati Maktabgacha va maktab ta’limi boshqarmasi Axborot xizmati.