Ěrzäń Telegrammont́ kasomado

Meeĺce kovtněstě miń nejtäno, koda ěräzasto lamolgadyt́ ěrzäń tevtnede kortamotne Inealtymasont́, baška, Telegrammsont́kak. Teń pingstě net́ sörmadovkstně, ěrivanmotne, lija meześ, škineź avoĺ vejke-kavto lomańsě. Minek kanaloś a sörmali ěŕva kuva vesement́, koda Boläeń Syreś Inäzoroś a jovtni ěŕva ěrzänteń meze sonenzě teems. Te vese ěrzä raśkeń iniciativaś. Ěräza ěrzätneń, politikań aktivistněń, konat vadrästo čaŕkodit́ meze moli peŕkanok. Net́ ěrzätnede ěŕva či marto teevi sede lamo.
Ušodsynek:

«Ěrzäń lambaśket́» – te ojmsema – meĺkepeticä kontent ěrzäń keĺsě, ansäk teń pingstě, toso, pejdeź, kortyt́ domka temadojak: ěrämopingede, ěś meĺtopavtomatneń kisě türemado, raśkeń inealätnedejak. Te vadrä kreativeń kanaloś. Sörmadstyk, jalgaj!

Ravo – te kanal, kona tonavty ěrzäń kelenteń. Avtorozo Mihail Potapov. Zärdo tont́ uli melet́ tonavtnems ěrzäń kelenteń, a ton a sodat koda ušodoms, apak kavtoldo – ušodt Mihail Potapov marto.

Ěrzäń teškstavks – ěrzäń keĺ ombo mastorso ěricätneń turtov: neologizmat, valsülmavkst, nuŕkine jovnemat, valmorot, valmerevkst… Ukrainań keĺsě, britěń keĺsě interfejsěś. Pek vadrä meĺssamo ukrainań, amerikań, britanijań ěricätneń turtov.

Ěrzät/Ěrzäne – te kanal ěrzäń kuĺturado, soldalmado. Odkstavi a pek seet́stě, ansäk teškas ěricä kanaloś.

Vadrä lezdycäks ěrzäń kelenteń tonavtnemaso tonet́ uli ělektronoń valksoś «Ruzoń-ěrzäń valks».

Ěrzäń politikado sět́mestě – te seń turtov, kie arsi-melävty ěrzäń vandyčident́. Ěś raśkeń lomańks ěrämodont́. Uli melet́ putoms ěś tevent́, jovtams ěś melent́ – sovak!

Ansäk ěrzäk – tozoń promst́ lomant́, konat vadrästo sodasyź kelent́, lomant́, konat kortyt́ ěrzäń keĺdent́, ěrzäń tevtnede domkasto. Ěrzäks.

Kodat ton sodat ěrzäń resurst-kanalt? Sörmadt minenek!