2019 ijeń, taštamkovoń 10 čistë, Ižkar kunškaso, pultïze eś pŕanzo lomań, kona vese eŕamonzo altïze eś tiriń keleń, ineśke raśkeń, idemanteń -vanstomanteń.
Te vijev lomanenť lemezë Aľbert Razin. Raśkekuroń dï kememań tevendej, filosofija sodalmań kandidat. Moskovoń činovniktne kapšaź lemdiź te aktonť provokaćijaks, mujevsť viśkstëme lomanť, konat kortasť psiheń ormado… Neť lomańtneń sïnsest ormav psihikast.
Razin Aľbert uľneś prevej lomaneks, udmurtoń naćionalistëks, kona čaŕkodś eŕamopesënzë: vesemeś mezenť son eŕamonzo perť snartneś idemenzë – vanstamonzo a vanstovi, a idevi, a kadovi, jomi čalgavkstomo ruzoń kirdiviń piľge alo. Eś pŕań pultamoś uľneś kememań jomamodo aktoks, terdemga lomańtneń varštams, nejems, koda kulovtïť Ruzoń mastorso udmurtoń kortamonť, koda lija kortamotneńgak.
Topavtovś-eź Aľbertëń mejeľće bažamozo? Topavtovś! Lamo lomanť, koda Ruzoń mastorga, isťa kordon tombaľgajak čaŕkodiź sïre lomanenť melenzë. Anśak jutksost araseľ vejak ruzoń činovniktnede. Tiriń keľtneń kulovtomaś sedejak vijevgadś Ruzoń mastorsonť. Ejkakšonok karmavtïť moramo, lemďamo eś pŕantneń ruzoks. Karmavtïť lemďamo tiriń keleks – ruzoń kelenť! Vejak činovnik eź vizdelgado. Te a topavtovića tev. Sïnś viśksëst umok kośkś.
2022 ijestë, panžikovoń 16 čistënť Razin Aľbert, erźa raśkeń jalgamok, javoľavtozeľ Aťań Ezemsënť Tedideń lomaneks, Erźań Ťokškazneń kavalerëks. Sï ška, źardo Erźa Mastorso sti udmurt raśkeń sodïdejenť kevrungozo! Lomanenť kona eś kulomasonť, kiravstize tolonť meľganzo molićatneń meštesëst. Sï ška, źardo ledstnema kevrungoś aravtovi Ižkar kunškasojak.
A teči, erźa, kundïk Razin Aľbertëń lemenzë. Kirvasť štatol. Arsek ejstënzë. Aťaś maksïze eŕamozo vanstomga avoľ anśak udmortoń raśkenť… erźa raśkenťkak.
🔔 @erzan_mastor_erz · «Vejsë, erźat, vijevťano!»
