1️⃣2️⃣3️⃣4️⃣5️⃣
NAMDTU PROREKTORI XALQARO SEMINARDA O‘ZBEKISTON NOMIDAN MA’RUZA QILDI

2026-yil 8-oktabr kuni Qozog‘istonning Olmaota shahridagi Al-Farobiy nomidagi Qozog‘iston Milliy universitetida o‘tkazilgan Erasmus+ hamkorlik seminarida Namangan davlat texnika universiteti Xalqaro hamkorlik bo‘yicha prorektori Ilhomjon Abdurahmanov O‘zbekiston vakili va oliy ta’lim islohotlari bo‘yicha ekspert sifatida ishtirok etdi.

U seminarda “Erasmus+ dasturining oliy ta’limdagi milliy va mintaqaviy rivojlanishga ta’siri” mavzusida ma’ruza qildi. Unda xalqaro akademik hamkorlikni kengaytirish, universitetlar o‘rtasidagi aloqalarni mustahkamlash hamda ta’lim va ilmiy tadqiqotlar sohasida yangi imkoniyatlar yaratishda Erasmus+ dasturining o‘rni yoritildi.

Tadbir doirasidagi xalqaro panel muhokamasida Qozog‘iston va Qirg‘izistondagi Erasmus+ milliy ofislari vakillari, shuningdek, Zalsburg universiteti professori ishtirok etdi. Muhokamalarda oliy ta’lim tizimlari o‘rtasidagi hamkorlik, xalqaro loyihalar samaradorligi va mintaqaviy akademik integratsiyani rivojlantirish masalalariga e’tibor qaratildi.

NamDTU vakilining xalqaro ekspert sifatidagi ishtiroki O‘zbekiston oliy ta’lim tizimida amalga oshirilayotgan islohotlar tajribasini xalqaro miqyosda taqdim etish hamda universitetning xalqaro akademik aloqalarini rivojlantirish uchun muhim ahamiyat kasb etadi.

Batafsil
👀На русском  👀In English

NamDTU rasmiy axborot kanallari:
Web-site |  Telegram |  Instagram | X
Facebook |  YouTube |  LinkedIn