Diqqat (fokus)

Oxirgi paytlarda o'zimda diqqatni bir ishda jamlash qiyin yoki imkonsiz bo'layotganligini ko'p sezyapman. Bunday muammo atrofimdagi yaqinlarimda ham kuzatilyotganini ko'p aytishyapti, yozishyapti. Bundan 10 yilcha avvallari, abituriyentlikda, qattiq o'qir edik. Bitta masala ustida soatlab o'tirib, fikr yuritishimiz mumkin edi. Ya'ni bir ishda diqqatni jamlash muammo emas edi. Hozirgi va o'sha davrni solishtiradigan bo'lsam, farq chalg'ituvchi narsalar doim yonimizda, ulardan foydalanish esa juda osonligida ekan. Qo'limizdagi gadjetlar, ijtimoiy tarmoqlar, ish bahonasida har 5 minutda ochiladigan telegram. Hamma hammasi bizdan o'g'irlayotgani bizning diqqatimiz.

O'zimda sezilgan "kasallik": har 3-4 minutda telegramni ochib bo'lar bo'lmas xabarlarni o'qish. Mute qilish ham yordam berayotgani yo'q.

Diqqatni jamlay olmaslik samaradorlikka salbiy ta'sir qiladi. 2 soatlik ish 6-7 soatga vaqt oladi. Yangi ilmlarni egallashni esa juda qiyinlashtiradi. Bunaqa holatlar e'tibordan chetda qolmasdan, sabablari bilan albatta kurashilishi kerak.

Sizda ham shunday muammo bormi? Bunday "kasallik"ga qarshi qanday kurashmoqdasiz?

@elyor_dev