EFFECT.UZ|LIVE

Марказий банк олтин қуймаларини қайтариб сотиб олиш нархларини илк бор очиқлади.

100 граммлик қуймани 167,9 млн сўмга банкка топшириш мумкин.

Мадуро ва унинг рафиқаси бўлган самолёт Нью-Йоркка қўнди

Венесуэла президенти Николас Мадуро ва унинг рафиқаси Силия Флорес бўлган самолёт Нью-Йорк шаҳрининг шимолида жойлашган “Stewart Air National Guard Base” ҳаво базасига қўнган.

Американинг CBS News телеканалининг хабар беришича, Мадуро ва Флорес Бруклин туманида жойлашган “Metropolitan Detention Center” федерал тергов ҳибсхонасига жойлаштирилади.

Ушбу муассасада аввалроқ Хоакин Гусман, Шон Комбс, Луижи Манционе ҳамда Гислейн Максвелл каби таниқли шахслар ҳам қамоқда сақланган.

CNN телеканалига кўра, Николас Мадуро ва Силия Флорес келаси ҳафтаёқ Нью-Йорк жанубий округи федерал суди (Манҳэттен) олдида жавоб бериши режалаштирилган.

АҚШ президенти Доналд Трамп Венесуэладаги операциядан сўнг Колумбия президенти Густаво Петрони эҳтиёткор бўлишга чақирди.

Трамп асирга олинган Николас Мадуро суратини эълон қилди.

⚡️АҚШ кучлари томонидан қўлга олинган Мадуро Нью-Йоркка олиб кетилмоқда, у ерда у суд олдида жавоб беради — ABC телеканали

Венесуэла ҳудудида портлашлар содир этилиши ва мамлакат президентининг қўлга олиниши — “қизил чизиқ”дан ўтиш бўлиб, бутун дунё учун хавфли прецедент ҳисобланади, — Бразилия президенти.

Венесуэла ҳукумати Николас Мадурони лавозимига қайтаришни ва унинг жисмоний дахлсизлиги кафолатланишини талаб қилмоқда.

⚡️АҚШ Мадуро ва унинг хотинига “наркотерроризм” бўйича айблов қўйди

АҚШ бош прокурори Пэм Бондининг маълум қилишича, Венесуэла президенти Николас Мадуро ва унинг хотинига “наркотерроризм” бўйича айблов қўйилган ва улар яқин вақт ичида суд олдида жавоб беришади.

Венесуэла АҚШ ҳужуми туфайли БМТ Хавфсизлик Кенгашини фавқулодда йиғилишга чақиришни сўради.

Венесуэла Ташқи ишлар вазири Иван Хиль АҚШнинг мамлакатга қарши ўтказган ҳужуми муносабати билан Венесуэла БМТ Хавфсизлик Кенгашини фавқулодда йиғилишга чақиришни сўради.

Ватанимизга қарши АҚШ ҳукумати томонидан содир этилган жиноятли агрессия олдидан биз БМТ Хавфсизлик Кенгашининг фавқулодда йиғилишини сўрадик, — деб ёзди у ўзининг Телеграм каналида.

У хабарга Венесуэла БМТдаги доимий вакили томонидан берилган расмий сўров нусхасини ҳам илова қилди.

Трамп тинчлик ҳақида гапириб, Венесуэлага ҳужум қилди — Fox News мухбири

«Қизиғи шундаки, ўтган йили Қўшма Штатлар дунё бўйлаб еттита турли мамлакатга ҳужум қилган бўлса-да, Президент ҳали ҳам тинчлик истаги ҳақида гапирмоқда»

Николас Мадуро ва унинг рафиқаси АҚШ махсус отрядлари томонидан қўлга олинган

CBS News репортёри Дженнифер Джейкобс маълум қилишича, Венесуэла президенти Николас Мадуро АҚШ армиясининг махсус элит қўмонданлик отряди «Дельта» қўшинлари томонидан ушлангани тўғрисида хабар берди.

Мадуро ва унинг хотини қўлга олинди — Трамп

АҚШ президенти Дональд Трамп 3 январь куни тунги соатларда АҚШ қўшинлари Венесуэлага нисбатан кенг кўламли операция ўтказганини тасдиқлади.

Трампнинг таъкидлашича, операция давомида Венесуэла президенти Николас Мадуро ва унинг хотини қўлга олиниб, мамлакатдан олиб чиқиб кетилган.

АҚШ қўшинлари Венесуэлага кенг кўламли операция ўтказди. Президент Николас Мадуро ва унинг хотини ушланиб, мамлакатдан олиб чиқилди. Бу операция АҚШ қонуний органлари билан ҳамкорликда амалга оширилди, - деб ёзди Трамп ўзининг Truth ижтимоий тармоғида.

Венесуэла мудофаа вазири Владимир Падрино Лопеснинг маълум қилишича, АҚШ Каракас шаҳри ҳамда Миранда, Ла-Гуайра ва Арагуа штатларига ҳужум қилган.

Президент Дональд Трамп АҚШ Венесуэлага нисбатан катта ҳажмли зарбаларни муваффақиятли амалга оширганини маълум қилди.

CNN хабар қилишича, АҚШ Қуролли кучлари бўйича тегишли қўмита Венесуэлага нисбатан ҳарбий зарбалар бошланиши режаси ҳақида олдиндан хабардор қилинмаган.

АҚШ Каракасдаги газ ташиш инфратузилма объектларига зарба берди.

Колумбия президенти БМТдан фавқулодда йиғилиш ўтказишга чақирди

Колумбия президенти Густаво Петро БМТ Хавфсизлик Кенгашини Венесуэлага қарши амалга оширилган ҳарбий ҳаракатларнинг қонунийлигини аниқлашга чақирди.

Унинг таъкидлашича, Колумбия кечадан бери БМТ Хавфсизлик Кенгаши аъзосига айланган ва шу муносабат билан зудлик билан фавқулодда йиғилиш ўтказилишини талаб қилади.

БМТ Хавфсизлик Кенгаши дарҳол йиғилиш ўтказиб, Венесуэлага қарши агрессиянинг қонунийлигини белгилаши керак, — деб ёзди Петро “X” ижтимоий тармоғида.

Шунингдек, у Колумбия–Венесуэла чегарасидаги Кукута шаҳрида вазиятни назорат қилиш мақсадида тезкор штаб ташкил этилганини маълум қилди.