Ормуз бўғозида Таиланд байроғи остидаги кема ҳужумга учради

Ормуз бўғози орқали ўтаётган Таиланд байроғи остидаги “Mayuree Naree” балкерида портлаш содир бўлди. Бу ҳақда Таиланд Денгиз транспорти департаменти маълум қилди.

Маълум қилинишича, портлашдан сўнг кеманинг машина бўлимида ёнғин бошланган.

Вазиятни инобатга олган ҳолда, кема капитани экипажни қутқарув қайиқларига ўтказиб, суднони тарк этишга қарор қилган.

Хабарга кўра, 20 нафар экипаж аъзоси Омон соҳилларига эвакуация қилинган. Уч нафар денгизчи бедарак йўқолган.

“Precious Flowers Co., Ltd” компаниясига тегишли мазкур балкер кеманинг орқа қисми шикастланган.

Кема Бирлашган Араб Амирликларидан йўлга чиққан эди.