“O‘zbekistonda Xitoy Xalq Respublikasining Lyaoning pedagogika universiteti filialini tashkil etish to‘g‘risida”gi Prezident qarori bilan Xivada Xitoyning Lyaoning pedagogika universiteti filiali tashkil etildi.
Bu yerda o‘qish kunduzgi va muqobil ta’lim shakllarida o‘zbek, xitoy va ingliz tillarida olib boriladi.
2030/2031-o‘quv yiliga qadar talabalar to‘liq davlat granti asosida o‘qitiladi.
2031-yildan keyin esa qabul parametrlarining 30 foizi davlat granti asosida shakllantiriladi.
Filial talabalarining amaliyotlari hududdagi korxonalarda dual ta’lim asosida yo‘lga qo‘yiladi.
☝️Muhim jihati, talabalar xalqaro biznes, turizm boshqaruvi, sun’iy intellekt va xalqaro xitoy tili ta’limi yo‘nalishlarida tajribali xitoylik pedagoglardan tahsil olishlari mumkin.
Shuningdek, zamonaviy majmuada o‘quv binolari, kutubxona, sport zali va talabalar turar joylari namunali tashkil qilingan.
Qabul davom etmoqda.
👉 На руском
👉 In English
Facebook | Instagram | YouTube | Telegram