Дийца варгвоацаш хоза а к1оарга ма1ан долаш ба наьна мотт. Лебе безачча тайпара к1аьда, хоза из лебеш хилча ч1оаг1а хьамсара ба из. Ший кер чу лелаваь хьа а ваь, воча, б1ехача, унзарча х1амах лоравеш, ший мотт д1а а хьехаш нанас хьалкхевича, из ший наьна мотт лертт1а ца бувцар эхь да дезалхочоа. Воашош хала кхедаьча воай ноаной сийна, цох эхь хийтта а, лорабе беза вай мотт, кегалургбоацаш. Цудухь вай фуде деза, ма хулла из наьна мотт боагг1ача тайпара нийсса бувца беза.

Цул совг1а, вай ишколашки кхы йолча дешара моттигашки г1алг1ай мотт к1езига бувц. Къаьстта наьна мотт хьехаш долча дарсашка мара ца бувцаш.