🎓 Вітанкі! Нягледзячы на несяброўскую атмасферу, якая апошнімі днямі пануе ў сценах БДУ, маладыя спецыяліст_кі заўсёды могуць атрымліваць карысныя скілы па-за ўніверсітэтам. Менавіта таму мы спяшаемся вам распавесці пра новыя адукацыйныя магчымасці для беларуса_к.

✨Анлайн-інтэнсіў пра стварэнне і запуск актывісцкіх праектаў

⏰ Дэдлайн рэгістрацыі: сёння (25 траўня) 23:59 па Менскім часе.
👩‍💻Фармат: анлайн.
🗓️ Калі: 28 траўня з 11:00 па 15:00 па Менскім часе.
🧒 Для каго: актыўныя беларус_кі.
🧑‍🤝‍🧑 Арганізатар_кі: Цэнтр новых ідэй.

Падчас інтэнсіву вы пазнаёміцеся з тэхнікамі і інструментамі, якія дапамогуць вам рэалізаваць свой праект і дасягнуць у ім поспеху. Праграма падыйдзе для тых, хто жадае пазнаёміцца з актыўнымі маладымі людзьмі і натхніцца паспяховымі прыкладамі актывісцкіх праектаў.

👉 Падрабязнасці
👉 Рэгістрацыя

✨Belarus Urban Fellowship 2023

⏰ Дэдлайн рэгістрацыі: 30 траўня 23:59 па Менскім часе.
👩‍💻Фармат: анлайн.
🗓️ Калі: 3 чэрвеня - 1 ліпеня 2023.
🧒 Для каго: маладыя лідар_кі, гараджан_кі.
🧑‍🤝‍🧑 Арганізатар_кі: Цэнтр новых ідэй.

Праграмага накіравана на развіццё кампетэнцый людзей у сферы урбаністыкі, актывізму і soft skills. Яна падыйдзе для тых, хто жадае паляпшаць беларускія гарады і ствараць свае ўласныя праекты з дзеля дасягнення гэтай мэты.

👉 Падрабязнасці
👉 Рэгістрацыя

✨Актывуйся! 2.0

⏰ Дэдлайн рэгістрацыі: 28 траўня 23:59 па Менскім часе.
👩‍💻Фармат: анлайн.
🗓️ Калі: 7 чэрвеня - 2 жніўня, кожны чацвер у 18.30 (па Менскім часе).
🧒 Для каго: актывіст_кі, прадстаўні_цы розных супольнасцей.
🧑‍🤝‍🧑 Арганізатар_кі: БНМС “РАДА”, ForumCiv, “Леванія”.

Мэтай праграмы з’яўляецца развіццё якасцей у людзей, якія жадаюць удзельнічаць у жыцці краіны. Падчас практычна арыентаваных заняткаў вы навучыцеся выяўляць праблемы ў наваколлі, даведаецеся пра спосабы дасягнення зменаў на розных узроўнях, а таксама з дапамогай эксперта_к зможаце распрацаваць свой уласны план па ажыццяўленню зменаў.

👉 Падрабязнасці
👉 Рэгістрацыя

✨Стажыроўкі для беларускіх грамадскіх актывіста_к

⏰ Дэдлайн рэгістрацыі: 15 чэрвеня 23:59 па Менскім часе.
👩‍💻Фармат: афлайн (Літва, Польшча, Грузія), магчыма анлайн.
🗓️ Калі: 1 жніўня 2023 – 30 кастрычніка 2023.
🧒 Для каго: актывіст_кі ў Беларусі і з-за мяжы.
🧑‍🤝‍🧑 Арганізатар_кі: Беларускі дом правоў чалавека імя Барыса Звозскага і БНМС “РАДА”.

Мэтай стажыроўкі з’яўляецца вывучэнне паспяховых практык у дзейнасці іншых арганізацый. Працягласць стажыроўкі не можа перавышаць 20 дзён. Заяўка падаецца ад імя вашай арганізацыі, ад якой таксама ў стажыроўцы павінны прымаць удзел 2 чалавекі. Арганізатары пакрываюць выдаткі на транспарт, пражыванне, харчаванне і іншае.

👉 Падрабязнасці
👉 Рэгістрацыя

✨Праграма Youth4Regions

⏰ Дэдлайн рэгістрацыі: 10 ліпеня 2023 17:00 CET.
👩‍💻Фармат: афлайн (Брусэль, Бельгія).
🗓️ Калі: 7-13 кастрычніка 2023.
🧒 Для каго: маладыя журналіст_кі.
🧑‍🤝‍🧑 Арганізатар_кі: Еўрапейская камісія.

Еўрапейская камісія запрашае прыняць удзел у праграме маладых журналіста_к з краін Усходняга партнэрства. Падчас праграмы вы даведаецеся пра палітыку адзінства ЕС, папрацуеце з вядомымі журналіст_камі, а таксама наведаеце штаб-кватэры еўрапейскіх медыя і інстытуцый. Жытло, харчаванне і транспартныя выдаткі пакрываюцца арганізатарамі.

👉 Падрабязнасці
👉 Рэгістрацыя