UzGeeks meetupining PHPga bag'ishlangan soni bo'lib o'tdi. Juda foydali ma'lumotlar berib o'tildi.

Bugun bir tajribali dasturchi aka savol berdi: Nima foydasi bor bu meetuplarni, qanaqadir foyda qilasizlarmi?

Javobim quyidagicha bo'ldi: Bu "nonprofit" bo'lgan ish. Hechqanday moddiy foyda olmaymiz, kerak bo'lsa moddiy tarafdan zararga ham kiramiz. Foydasi jamiyatga bo'lsin va bunga sababchilardan bo'lib qolishni istab bu meetuplarni tashkillashtiramiz dedim. Baraka topishsin, bu communityga har kim qo'lidan kelgan yordamni beryapti. Kimdir kamera, kimdir Clicker, kimdir joy, kimdir suv, kimdirlar shunchaki qiziq bo'lmasa ham qo'llab quvvatlash uchun kelyapti, kimdirlar diydor uchun, yana kimdir networking uchun...

Shu paytgacha juda ko'p bunday tadbirlarni boshlab ko'rishgan boshqalar, 1-2 marta o'tkazishganidan keyin jim bo'lib ketishgan. Chunki moddiyatga borib taqaladi, vaqtimizni qizg'onamiz ochig'i. Foyda olmasak biror ish qilishni xohlamaydigan bo'lib boryapmiz. UzGeeks community bo'lsa ko'z tegmasin ancha yillardan beri har oy bunday tadbirlarni o'tkazib kelyapti. Barchaga rahmat.