Korxona rahbari sifatida bilishingiz kerak bo`lgan narsa, bu xodimlaringiz ish joyini ta'minlash sizning vazifangiz. Ammo ko`p korxonalar buni hisobga olmaydi. Keling aniqlashtirib olsak, korxona nimalarga e'tibor qaratishi kerak.
🛄 Majburiyatlar [-]
1. Qurilma - dasturchi siz uchun dastur yozadi. Demak birinchi bo`lib qilishingiz kerak bo`lgan narsa bu qurilma sotib olishingiz. Notebook yoki desktop, ahamiyatsiz. Asosiysi dasturchi ishlay oladigan, uning ish tezligiga salbiy ta'sir qilmaysigan (masalan ~32GB RAM) qurilma berishingiz shart.
* Agar dasturchi shaxsiy kompyuterini ishlatayotgan bo`lsa, siz uning haqqini yemoqdasiz. Yoki buni alohida kelishish kerak.
2. OT (Operatsion tizim) - qurilma sizniki, demak ichidagi dasturlar ham sizniki. Endi o`g`rilangan Windows ishlatish yarashmaydi. Baraka ketadi. Linux ishlatishingiz mumkin. Lekin hamma dasturlar ishlatish huquqi berilgan bo`lishi kerak. Macbook olgan bo`lsangiz, uning OT o`zida bor.
3. IDE - Dasturchi kod yozadigan dasturlar ham guvohnoma (Lisence)ga ega bo`lishi kerak. Pullikni sotib oling yoki tekin dasturlarni ishlating, ixtiyor sizda.
* Eslatma: JetBrains da 2 xil tolov bor. Shaxsiy guvohnomadan foydalanish va korxona sotib oladigan guvohnoma. Shaxsiy 2 marta arzon turadi. Muhim joyi: Korxona xodimi uchun guvohnoma sotib olishga (oyligiga) pul qo`shib berishi mumkin emas! O`zini nomingga sotib ol, man korxonadan to`lab beraman - deyish mumkin emas.
4. Yordamchi dasturlar - o`tgan safar sanagan dasturlarimiz shu jumladan.
* Masalan, email uchun Gmail ni ishlatmoqchimisiz, Google Workspace sotib olishingiz kerak. Yoki o`zingiz server olib, o`zingiz tekin email tizimi ko`taring. Boshqa dasturlar ham shu jumladan.
5. Internet - xodim uydan ishlashga majbur bo`lsa, masalan Kovid xolatidaka, siz uni internet va tok bilan ta'minlashingiz kerak. Yoki uydagi internet va tok pulini bir qismini to`lab berishingiz kerak.
6. Ish joyi - stol, stul, monitor kabir ish joyini tashkillashtirishingiz kerak. Agar guruh bo`lib ishlash uchun doska, telvizor, proyektor yoki qog`oz kabi narsalar kerak bo`lsa, uni ham tashkillashtirish sizning vazifangiz.
* Agar ishxonada ishlash imkoni vaqtincha bo`lmay qolsa, masalan tok ketib qoldi yoki internet ta'mirlashmoqda. Siz barcha xodimlarni ishdan ozod qilasiz, yoki boror boshqa joy (kovorking, mehmonxona kabi) joy topib, u yerga olib borasiz.
❇️ Huquqlaringiz [+]
7. Yozilgan kod - Dasturchi yozgan kod uchun siz pul to`lagansiz. Demak kodni dasturchingiz o`ziga olishi, boshqa shaxsiy loyihalarida ishlatishi mumkin emas. Sizning qurilmadan faqat sizning ishlaringizni qilishi mumkin.
8. Ortiqcha dastur o`rnatishi - Qurilma sizning haqqingiz, demak xodimingiz Telegram o`rnatishi uchun oldin sizdan so`rashi kerak. Aks holda sizning haqqingizni yegan bo`ladi. Shu bilan birga korxonaning ma'lumotlari chiqib ketishiga zamin yasagan bo`ladi.
🆚 Ikki tomon [=]
9. Malaka oshirish - agar xodimingizni malaka oshirish yoki boshqa kursga yubordingiz. Masalan, Oracle, Cisco kurslarini o`qib keldi. Sharti sizda 2 yil ishlab berishi kerak edi. Agar xodim shu 2 yildan avval ketaman desa, sizga kurs pulini to`liq to`lab berishi kerak. Agar 2 yildan keyin ketsa, sizga pul bermaydi. Albatta buni shartnomada ko`rsatishingiz kerak. Man vaqtni misol tariqasida yozdim, kelishuvda aniq ko`rsatib oling.
10. Ish vaqti - agar ish vaqti aniq kelishilgan bo`lsa, xodim shu vaqt oralig`ida shaxsiy ishini bajarishi mumkin emas. Agar vaqt emas, ishbay gaplashilgan bo`lsa, unda siz kech qolgan xodimga jarima qo`yishingiz mumkin emas.
davomi bor
Agar sizda ham shunga o`xshash fikrlar yoki holatlar bo`lsa, izohlarda yozib qoldiring, keyingi postlarda ularni ham qo`shib yozib chiqaman.
O`tgan safar rasm bilan chiqarganim uchun ko`p gaplarimni yoza olmadim. Bu safar rasm qo`ymadim.
https://t.me/DrAlgorithm/467