Uztelecom O‘zbekistonda yangi avlod optik tarmog‘ini sinovdan o‘tkazmoqda

Uztelecom, Yaponiyaning Toyota Tsusho, NTT Docomo Business va NEC kompaniyalari bilan hamkorlikda O‘zbekistonda All-Photonics Network (APN) texnologiyasini sinovdan o‘tkazishni boshladi.

Loyiha doirasida Toshkent yaqinidagi ikkita data-markaz 800 Gbit/s tezlikdagi kanal orqali bog‘lanadi. Tarmoqdagi kechikish esa 1 millisekunddan kam bo‘lishi aytilmoqda.

APN — ma’lumotlarni elektr signallari o‘rniga asosan optik texnologiyalar orqali uzatishga asoslangan yangi avlod infratuzilmasi bo‘lib, u katta hajmdagi ma’lumotlarni tezroq va kamroq kechikish bilan almashish imkonini beradi.

Bunday infratuzilma AI xizmatlari, bulutli texnologiyalar va yirik data-markazlar o‘rtasidagi ma’lumot almashinuvi uchun muhim ahamiyatga ega.

@digital_inform