“Yangi O‘zbekiston” universitetida FinTech yo‘nalishidagi xakaton bo‘lib o‘tadi

25–26-aprel kunlari “Yangi O‘zbekiston” universitetida FinTech yo‘nalishidagi xakaton tashkil etiladi.

Mazkur dastur doirasida ishtirokchilar 48 soat davomida jamoalar bilan ishlagan holda sun’iy intellekt asosidagi yechimlarni ishlab chiqadi va o‘z g‘oyalarini amaliy mahsulot darajasiga olib chiqish ustida ishlaydi.
Xakaton davomida mentorlar ko‘magida loyihalarni takomillashtirish, ularni taqdim etish hamda keyingi bosqichga olib chiqish imkoniyati yaratiladi. Eng kuchli jamoalar esa 2026-yil yozida bo‘lib o‘tadigan Idrock Startup Accelerator dasturiga saralash imkoniyatini qo‘lga kiritadi.
Shuningdek, g‘olib jamoalar SQB va SQB Ventures tomonidan taqdim etiladigan qimmatbaho sovg‘alar bilan taqdirlanadi.

Mazkur xakaton g‘oyani haqiqiy mahsulotga aylantirishni istagan yoshlar uchun muhim amaliy maydon bo‘lib xizmat qiladi.
🗓 Sana: 25–26-aprel, 2026-yil
📍 Manzil: “Yangi O‘zbekiston” universiteti
🔗 Ro‘yxatdan o‘tish:
https://gdg.community.dev/events/details/google-gdg-tashkent-presents-build-with-ai-fintech-hackathon/

Barcha ishtirokchilar t.me/bwai_community Telegram guruhiga qo‘shilishlari mumkin.

@gdgtashkent