Қазақстанда қатарынан екінші рет айлық азық-түлік дефляциясы тіркеліп отыр

Қыркүйекте тамызбен салыстырғанда азық-түлік тауарлары 0,1%-ға арзандаған. ҚР СЖРА ҰСБ деректеріне сәйкес, бұл - бағаның қатарынан екінші рет төмендеуі. Ал дәл қыркүйекте азық-түлік айлық мәнде соңғы рет 2017 жылы арзандаған.

ҰСБ-ның соңғы релизіне қарағанда азық-түлік сегментіндегі дефляцияға көкөніс пен жеміс-жидек ықпал еткен (мысалы, пияз тамызбен салыстырғанда 20,7%-ға, лимон 13,9%-ға арзандаған), сондай-ақ құмшекер (-1,3%) мен балалар ботқасы (-6,1%) да арзандаған.

Ал азық-түлікке жатпайтын тауарлар сегментінде айлық инфляция 1,1% болып, тамыздағы 0,8%-бен салыстырғанда үдей түскен. Тамызбен салыстырғанда қай тауарлар ең жылдам қымбаттағаны туралы деректер әзірге жоқ. Десе де, қолға арналған крем (-6,9%), жөргек (-6,6%) және теледидар (-5,6%) бағасы айлық мәнде едәуір төмендегені нақтыланды. Қызметтер сегментінде бағалар айдан айға 1%-ға өскен, тамызда бұл көрсеткіш 1,2% болған.

@DataHub_KZ