Бадзла шалайла багӀтас
Сидикьвā бадзла шала,
Ахъ урхъēла цӀуири
Дашар муза дуцили,
Кьалла чӀянкӀти дубурти
ЛукӀас или мургьили.
Дашигва, гъариб, дуин,
Ахъ урхъēла цӀуири,
Кьалла чӀянкӀти дубурти
АхӀлукӀадну мургьили,
ЛукӀадрану хӀян дзандзба.
ХьанцӀ урхьула цӀуб дирив
Дашар къада дуцили,
Шинна диун гӀиндзурби,
ДирцӀус или шарабли.
Дашигва, гъариб, дуин,
Урхьула цӀудар дирив
Шинна диун гӀиндзурби
АхӀдирцӀудну шарабли,
ДирцӀудрану дамкьур шӣ.
#поэзия
Post #2249
346