#milliy_libos

MILLIY LIBOS — O‘ZLIGIMIZNING YORQIN IFODASI

Milliy libos — millatning o‘zligini so‘zsiz tanitadigan, uning o’tmishi bilan bugunini bog‘laydigan tirik tarixdir.

Dunyoning qaysi burchagida bo‘lmaylik, atlas-u adrasimiz, beqasam-u banorasimiz, do‘ppi va zar choponlarimiz xalqimizning boy madaniyati, nafis didi va qadimiy qadriyatlaridan darak beradi.

Bugun milliy liboslarimizni faxr bilan kiyishimiz — nafaqat go‘zallikka intilish, balki ajdodlarimizdan meros qolgan an’analarni qadrlash, ularni kelajak avlodlarga yetkazishga bo‘lgan ehtiromimiz ifodasidir.

Zero, milliy libosimizda tariximiz yashaydi, qadriyatlarimiz jilolanadi, Vatanimizning qiyofasi namoyon bo‘ladi!