🐕 Milliy kinologiya markazi xizmat itlari xalqaro ko‘rgazmada g‘olib bo‘ldi

Joriy yilning 3–4-oktabr kunlari Toshkent shahridagi “Seul” ekoparkida O‘zbekiston Kinologiya federatsiyasi tomonidan xalqaro itlar ko‘rgazmasi tashkil etildi.

Ko‘rgazmada turli zotlarga mansub 500 bosh itlar ishtirok etdi. Ishtirokchilarning chiqishlari xalqaro talablarga muvofiq baholanib, hakamlik jarayonida Italiya va Portugaliyadan tashrif buyurgan xalqaro ekspertlar qatnashdi.

Mazkur xalqaro ko‘rgazmada Milliy kinologiya markazining 3 bosh xizmat iti ham turli guruhlarda o‘z imkoniyatlarini namoyish etib, ekspertlar tomonidan baholandi.

Yakuniy natijalarga ko‘ra, Markazning har uchala xizmat iti ham o‘z guruhida 1-o‘rinni egalladi.