Toshkent viloyati bojxona boshqarmasi rahbariyati tomonidan ehtiyojmand oilalar holidan xabar olindi

Ma'lumki, Prezidentimiz raisligida joriy yil 3-sentyabr kuni kambag‘allikni qisqartirish va aholi daromadlarini oshirish bo‘yicha ishlarni yangi bosqichga olib chiqish masalalariga bag‘ishlangan videoselektor yig‘ilishi o‘tkazilgan edi.

Yig‘ilishda belgilangan vazifalar ijrosini ta’minlash, hududlarda aholining ijtimoiy-iqtisodiy holatini o‘rganish hamda ehtiyojmand oilalarni qo‘llab-quvvatlash maqsadida Toshkent viloyatining Parkent tumanidagi "Hurriyat" mahalla fuqarolar yig‘inida o‘rganish ishlari olib borilmoqda.

Toshkent viloyati bojxona boshqarmasi rahbariyati boshchiligidagi xodimlar tomonidan mahalladagi daromadi past oilalarning holidan xabar olinib, ularning mavjud muammolari xonadonbay o‘rganildi.

O‘rganish jarayonida oilalarning bandligi, daromad manbalari, mavjud imkoniyatlari yo‘lga qo‘yish masalalariga alohida e’tibor qaratildi. Shuningdek, oila vakillariga moddiy yordamlar ko'rsatildi.