#giyohvandlikka_qarshi_kurash

Xorazmda xonadonida “kannabis” oʻsimligini yetishtirib kelgan shaxs aniqlandi

Viloyat bojxona boshqarmasining Kontrabandaga qarshi kurashish boʻlimi xodimlari tomonidan viloyat DXX va IIB xodimlari bilan hamkorlikda Xiva tumanida tezkor tadbir oʻtkazildi.

Tadbir davomida 1971-yilda tugʻilgan fuqaro oʻz xonadonida salkam 27 gramm “marixuana” giyohvandlik vositasini saqlab kelayotganligi aniqlandi.

Shuningdek, xonadon hovlisi koʻzdan kechirilganida, u yerda 2 metr uzunlikdagi 1 tup “kannabis” giyohvandlik oʻsimligi ekilgan holda parvarishlab kelingani maʼlum boʻldi.

Mazkur holat yuzasidan jinoyat ishi qoʻzgʻatilib, tergov harakatlari olib borilmoqda.